Astana qalasyndaǧy «Janūia» otbasy institutyn qoldau ortalyǧynyŋ ūiymdastyruymen otbasy jäne balalardy qorǧau künıne arnalǧan «Otbasy – baqyt mekenım» ıs-şarasy öttı.
Jiynnyŋ basty maqsaty – erekşe balalardy tärbielep otyrǧan analarǧa, az qamtylǧan otbasylarǧa, halyqtyŋ äleumettık osal toptaryna merekelık köŋıl-küi syilau.
– Bızdıŋ ortalyq jaǧdaiy qiyn otbasylarǧa järdemdesedı. Is-şara psihologiialyq türde qoldau körsetedı. Bügın 40-50 otbasyny qamtyp otyrmyz. Būl jiynǧa barlyǧy kelıp qatysa alady, – dedı «Janūia» otbasy institutyn qoldau ortalyǧy» KMM direktory Baqtiiar Aitpaev.
Atalǧan jiynda «Quyrşaq» teatry ūjymy öner körsettı. Ata-analar men balalar konserttık baǧdarlamaǧa belsene qatysyp, än aityp, bi biledı. Qatysuşylarǧa demeuşılerden oiynşyqtar men azyq-tülık toptamasy tabys etıldı.
– Men erekşe balalar tärbielep otyrǧan anamyn. Osyndai ıs-şaraǧa şaqyrǧanda qatty quandym. Öitkenı özım tanymal aqyndardyŋ öleŋderın oqimyn jäne öleŋ şyǧaramyn. Maǧan būl öz-özımdı körsetuge mümkındık. Atalǧan ūiym tek materialdyq kömek berıp qana qoimai, talai bolmysy aşylmai jatqan bız siiaqty adamdardyŋ şyǧarmaşylyq damuyna qoldau bıldırude. Ädette bız qoǧamnan tys qalyp jatamyz. Būl bızge serpılıs alyp keledı jäne menıŋ önerımdı damytuǧa üles qosady degen ümıttemın, – dedı qatysuşy Gülnär Toqtar.
Byltyr ortalyq 500 otbasyǧa arnap ıs-şara ötkızgen. Osy sekıldı jiyndardy «Qūrban ait» meiramy qarsaŋynda da ötkızu josparlanuda.
Gülnaz MŪHANJAN,
L.Gumilev atyndaǧy Euraziia
ūlttyq universitetınıŋ studentı
