Astana qalasy äkımdıgı äielder ısterı jäne otbasylyq-demografiialyq saiasat jönındegı komissiiasynyŋ kezektı otyrysynda qiyn jaǧdaiǧa tap bolǧan äielder men qarausyz jürgen jasöspırımder mäselesı talqylandy.
Otyrysqa Astana qalasy Işkı saiasat basqarmasynyŋ basşysy Däuren Babamūratov, qalalyq Eŋbek jäne äleumettık qorǧau basqarmasynyŋ jetekşısı İlia Skub, Qazaqstan äielder küşterı aliansy men Astana qalasy äkımdıgı äielder ısterı jäne otbasylyq-demografiialyq saiasat jönındegı komissiiasynyŋ müşelerı, qoǧamdyq jäne jekemenşık qorlardyŋ jetekşılerı, qūqyq qorǧau jäne densaulyq saqtau salalarynyŋ ökılderı qatysty. Olar aldymen Astanadaǧy «Art is forever» körkemsuret mektep-mūrajaiyn aralap, körme zalyndaǧy köpes Vasilii Kubrinnıŋ otbasy tarihymen, sändık-qoldanbaly öner ülgılerımen jäne balalardyŋ qolöner tuyndylarymen tanysty.
Qalalyq Işkı saiasat basqarmasynyŋ basşysy Däuren Babamūratov komissiia müşelerıne elorda äkımı Altai Kölgınovtıŋ atynan alǧys hat tabystady.
Ömırlık qiyn jaǧdaiǧa tap bolǧan nemese zorlyq-zombylyqqa ūşyraǧan otbasy men balalary bar analardy qoldau – qoǧamdaǧy özektı mäselenıŋ bırı. Memleket basşysy Qasym-Jomart Toqaev ta osy problemany erekşe nazarǧa alyp, elımızde otbasy qūndylyǧyn saqtau, bala tärbiesıne köŋıl bolu keregın aitqan bolatyn. Osyǧan orai, elordada «Otbasyndaǧy zorlyq-zombylyqsyz Qazaqstan» qanatqaqty jobasy men 2022 jylǧy memlekettık jäne äleumettık tapsyrys aiasynda jüzege asyrylyp jatqan jūmys az emes. Is-şaraǧa qatysuşylar solardyŋ negızgılerıne toqtaldy. Astana qalasy äkımdıgı Äielder ısterı jäne otbasylyq-demografiialyq saiasat jönındegı komissiia hatşysy – bas inspektor Qarlyǧaş Särkenova, atqarylyp jatqan şaralarǧa qaramastan, qazırgı kezde tūrmystyq zorlyq-zombylyq faktısı boiynşa elordalyq polisiiaǧa şaǧymdanuşylar qatary azaimai otyrǧanyn atap öttı.
– 2022 jyldyŋ basynan berı elımızde tūrmystyq zorlyq-zombylyq boiynşa polisiiaǧa 100 myŋnan astam äiel şaǧymdanǧan bolatyn. Qūqyq qorǧau qyzmetkerlerı daǧdarys ortalyqtaryna qiyn jaǧdaiǧa tap bolǧan 7,5 myŋnan astam äieldı jetkızdı. Zorlyq-zombylyqpen küresu, äielder qūqyǧyn qorǧau jäne otbasy institutyn nyǧaitu maqsatynda Astana qalasy äkımdıgı janyndaǧy äielder ısterı jäne otbasylyq-demografiialyq saiasat jönındegı komissiiasy keşendı jūmys jürgızude, – dedı bas inspektor.
«Astana» medisina universitetınıŋ kafedra meŋgeruşısı Zaituna Hamidullinanyŋ aituynşa, bügıngı taŋda jasöspırımder jüktılıgı köpşılıktı alaŋdatyp otyr. Ökınışke qarai, soŋǧy jyldary elımızde kämelettık jasqa tolmaǧan qyzdar arasynda jüktı bolyp, jasandy tüsık tastaityndar men erte ana bolatyndar sany ösıp keledı.
– Elordada erte jynystyq qatynas pen jüktılıktıŋ aldyn alu boiynşa ıs-şaralar jürgızılıp jatyr. Soǧan qaramastan, bes jyl ışınde Astanada kämeletke tolmaǧandar bosanuynyŋ ösuı tırkeldı. Tek 2021 jyly osyndai 55 bosanu boldy. Sonymen qatar soŋǧy üş jyl ışınde jasandy tüsık jasatudyŋ bes ese ösuı baiqaldy. Būl problemalardyŋ şeşımı memlekettık deŋgeide qarastyryluy kerek. Ol üşın jynystyq tärbienı oqytudy ūiymdastyru, jalpy bılım beru mekemelerınde ata-analarmen jäne mūǧalımdermen jūmys jürgızu jäne jasöspırımder kabinetterın küşeitu kerek, – dedı Z.Hamidullina.
Otyrys barysynda «Denı sau ūrpaq» jobasy tanystyryldy. Joba negızınde orta mektepterde jynystyq tärbie beru boiynşa jürgızıletın jūmystarǧa toqtala kele, Zaituna Gadilovna oǧan qajettı bukletterdı köşıruge järdemdesu turaly ötınışın jetkızdı. Komissiia müşesı Säniia İrsalieva ügıt materialdaryn öndıruge kömektesetının aitty.
