Otbasy quanyşy – Otan quanyşy

«Nūrly Ertıs» baǧdarlamasy Elbasynyŋ strategiia­lyq saiasatyn ary qarai jüzege asyrudaǧy Memleket basşysy Qasym-Jomart Toqaevtyŋ tapsyrmasyna säikes qolǧa alynǧanyn atap ötken qala basşysynyŋ orynbasary Ekıbastūzǧa köşıp barǧan otbasylarǧa barlyq jaǧdailar jasalatynyn aitty.
«Osynyŋ bärı balalardyŋ, elımızdıŋ bolaşaǧy üşın jasalyp jatyr. Aman-esen jetıŋızder. Men de Sızdermen bırge jolǧa şyǧyp, sol jaqtan qarsy alamyn. Menıŋ maqsatym – Sızderge qandai päter, qandai mümkındık berıletının öz közımmen körıp qaitu» dedı B. Mäken.
Qazırge deiın Nūr-Sūltannan köpbalaly otbasylardyŋ barlyq müşelerın qosqanda 600-den astam adam Ekıbastūzǧa köştı. «Bügın olarǧa taǧy 208 adam qosylyp otyr. Olardyŋ bärın baspanamen qamtyp, jūmysqa tūrǧyzamyz. Jalaqy kem degende 120 myŋ teŋge bolady. Elordadan qonys audarǧan otbasylar jaŋadan boi kötergen tūrǧyn üilerge qonystanady. Olarǧa 318 päter daiyndap qoidyq. Sonyŋ 122-sı – üş bölmelı, 116-sy – ekı bölmelı, 80-ı – bır bölmelı. Är otbasy müşesıne 88500 teŋgeden qonys audaru järdemaqşasy qarastyrylǧan. Būǧan qosa, respublikalyq biudjet esebınen bır jyl kölemınde oblysymyzdaǧy öndırıstı şaharǧa qonys audarǧan otbasylardyŋ päterdı jalǧa alu qūny men kommunaldyq tölemın jauyp tūramyz. Bes jyldan keiın būl päterlerdı jekeşelendıruge bolady. Balalarǧa balabaqşa men mektepterde de barlyq jaǧdailar jasalady. Oquşylar qoǧamdyq kölıkte tegın jüredı» deidı Pavlodar oblysynyŋ Jūmyspen qamtudy üilestıru jäne äleumettık baǧdarlamalar basqarmasynyŋ basşysy Qairat Nūrmaǧambetov.
2004 jyly Torǧai öŋırınen elordaǧa kelgen Semser Tölegenov osydan toǧyz jyl būryn osynda şaŋyraq qūryp, üş balanyŋ äkesı atandy. Sodan berı päterden päterge köşıp jürıp, qūrylysşydan bastap ärtürlı jūmys ıstedı. Osy uaqytqa deiın PİK-terdıŋ bırınde santehnik boldy. «Alatyn jalaqym 60 myŋ teŋge edı, ol eşteŋege jetpeitın. «Nūrly Ertıs» baǧdarlamasy turaly estıp, qūjat tapsyrdyq. Sätı tüsıp, oǧan ılıktık. Basqa qalada bolsa da, baspanaǧa ie bolǧanymyzǧa otbasymyzben quanyştymyz» deidı ol.
Qostanai oblysynyŋ tumasy Jaqsylyq Bırmaǧambetov 2008 jyly elordaǧa arman quyp keldı. Osynda oqyp, mamandyq aldy. Bas qalada Qorǧaljynnyŋ qyzyn kezdestırıp, üilendı. Būl otbasynda düniege üş bala keldı. «Elektrmen dänekerleuşı retınde 170 myŋ teŋge jalaqy aldym. Bıraq päteraqysy, tamaǧymyz, özımızdıŋ, balalardyŋ kiım-keşegı bar, būl jalaqymen kün köru qiyn boldy. Ülken balamyz tört jasta, kenjemız – ekıde. Jarym balalarmen üide otyryp, jūmys ıstegen joq. Aqyry «Nūrly Ertıs» turaly estıp, köşuge bel bailadyq. Ärine, elordany qimaimyz, bıraq ömır bolǧan soŋ basqa jerdı de köreiık dedık. Jaŋa qalaǧa üirenetınımızge senımdımın» deidı Jaqsylyq.
Üş balanyŋ anasy Dinara Aiaǧanova Ereimentau audanynan elordaǧa qonys audarǧanyna on segız jyl bolypty. Ömırlık qosaǧy qūrylysşy bolyp ısteitın ana «Nūrly Ertıs» baǧdarlamasy jaily qūrbysynan estıgen. Sodan joldasyna Ekıbastūzǧa köşudı ūsynǧan. Küieuı basynda būǧan kümänmen qaraǧan. Soŋynda jarynyŋ aitqanyna könıp, būl otbasy da öndırıstı qalaǧa qonys audaruǧa şeşım şyǧardy.