Memleket basşysy söilegen sözınde Ūlttyq keŋestıŋ bilık pen qoǧam arasynda syndarly dialog ornata alatyn tiımdı institusionaldy qūrylymǧa ainalǧanyn jäne onyŋ müşelerı elımız üşın maŋyzdy şeşımder äzırlep, solardyŋ jüzege asuyna küş salyp kele jatqanyn atap öttı.
Qazaqstan Prezidentı Keŋeste pandemiiaǧa qaramastan elımızdı damytudyŋ özektı mäselelerı tūraqty türde talqylanatynyn, bırneşe maŋyzdy bastama jüzege asyrylǧanyn, sondai-aq qazırgı taŋda memlekettık saiasattyŋ türlı salalaryn reformalauǧa qatysty jaŋa ūsynystar äzırlenıp jatqanyn aitty.
Prezident otandastarymyzdyŋ eŋbek migrasiiasyna qatysty mäselenı de köterdı. Onyŋ pıkırınşe, azamattarymyz tırkelu kezınde, kündelıktı tūrmysta jäne basqa da mäseleler boiynşa ärtürlı qiyndyqtarǧa jiı ūşyraidy. Sonymen qatar Prezident azamattarymyzdy elımızdıŋ oŋtüstıgınen soltüstıgıne köşıruge qatysty ahualdy jaqsartudyŋ, köşıp keluşılerge barynşa qolaily jaǧdai jasaudyŋ maŋyzdy ekenın aitty. Mysal retınde, Soltüstık Qazaqstan oblysyn atap öttı. – Mūnda köşıp keluşıler üşın jaŋa tūrǧyn üiler salynuda, kommunaldyq infraqūrylym damyp, ärtürlı äleumettık nysandar boi köterude. Yntalandyratyn qosymşa şara retınde olarǧa berıletın järdemaqynyŋ mölşerın ekı ese, iaǧni, 35 ailyq eseptık körsetkışten 70-ke deiın köbeitken jön dep sanaimyn, – dedı Memleket basşysy.
Qasym-Jomart Toqaev «Serpın» jäne «Diplommen – auylǧa» jobalaryn saralau qajettıgıne toqtaldy. Būl baǧdarlamalardyŋ tiımdı jüzege asyryluy nätijesınde soltüstık öŋır jastar üşın meilınşe tartymdy aimaqqa ainalady. Qazaqstan Prezidentı bılım beru jüiesındegı mäselelerge arnaiy toqtaldy.
Qasym-Jomart Toqaev mektepte bılım berudıŋ mazmūnyna erekşe köŋıl böldı. – Bedeldı halyqaralyq zertteu qorytyndylary bızdıŋ oquşylardyŋ oqu sauattylyǧy boiynşa daǧdylary jetkılıktı deŋgeide damymaǧanyn körsetıp otyr. Sondyqtan oqu mädenietıne baulu, oqu sauattylyǧyn damytu elımızdegı orta bılım beru ısınıŋ basym baǧytyna ainaluǧa tiıs. Balanyŋ oquǧa degen qyzyǧuşylyǧy, qorşaǧan ortany kıtap arqyly tanuy mektep qabyrǧasynda qalyptasu kerek. Al kıtaphana oquşynyŋ sol yntasyn oiatyp, ony qyzyqty kıtap älemıne jeteleuı qajet, – dedı Prezident.
Sonymen qatar Memleket basşysynyŋ aituynşa, otandyq kıtaphanalar özderınıŋ aǧartuşylyq rölın joǧaltpai, zamanaui talaptarǧa sai boluy tiıs. Qasym-Jomart Toqaev balalardyŋ qūqyǧyn qorǧau mäselelerıne de nazar audardy.
Prezident erekşe mūqtaj jandardy qoldau mäselesıne de toqtaldy. Qasym-Jomart Toqaevtyŋ pıkırınşe, memleket osyndai adamdar üşın inkliuzivtı bılım beruge, kedergısız orta qalyptastyruǧa, sondai-aq, qoljetımdı infraqūrylymmen qamtamasyz etuge jäne jūmyspen qamtu mümkındıgın keŋeituge basa män berıp otyr. Degenmen, atalǧan şaralar erekşe mūqtajdyǧy bar adamdardyŋ qajettılıkterın qamtamasyz etuge älı de jetkılıksız.
Qasym-Jomart Toqaev ekologiialyq turizmdı damytudyŋ maŋyzy turaly da aita kele, memlekettık ūlttyq tabiǧi parkterdı damytudyŋ josparyn ünemı jūrtşylyqtyŋ talqysyna salu ürdısın engızu mındettedı.
Memleket basşysy sözın qorytyndylai kele, aldaǧy Täuelsızdıktıŋ 30 jyldyǧy saiasi jäne ekonomikalyq reformalar, sifrlandyru, adam qūqyqtaryn qorǧau, densaulyq saqtau jäne bılım berudı damytu, ekologiiany qorǧau aiasynda ötuı kerek ekenın aitty. Būl rette, Prezident Täuelsızdıktıŋ 30 jyldyǧy – Täuelsızdıktıŋ mänı men qūndylyǧyn sezınuge zor mümkındık beretının atap öttı.
