Astana qalasy IID Jergılıktı polisiia qyzmetınıŋ bastyǧy Baqytjan Malybaev köŋıl köteru oryndarynyŋ jūmysyn Bırıkken Arab Ämırlıkterı ülgısımen tüngı 2-den keiın toqtatudy ūsynady. Meiramhana, dämhanalar da köp qabatty üilerdıŋ astyŋǧy qabatynda emes, oqşau ornalasuy tiıs. Sol kezde qalada qylmyspen qatar tüngı uaqyttarda halyqtyŋ tynyştyǧyn būzu derekterı de azaiady.
Keşe qalalyq mäslihattyŋ kezektı sessiiasynda esep bergen B.Malybaev deputattardyŋ aldyna osy mäselenı şyǧardy. Sessiia jūmysyna Astana äkımınıŋ orynbasary Andrei Lukin, QR Parlamentı Mäjılısınıŋ deputattary Sapar Ahmetov, Qanat Musin, Pavel Kazansev qatysty.
Jalpy sessiia barysynda bıraz mäsele köterıldı. Sonyŋ bırı avtobustar jūmysy toqtaǧan uaqytta Bus Lane jolaǧyna kölıkterdı qaŋtaruǧa rūqsat beru jönınde boldy. «Osy mäselege bailanysty Jolauşylar kölıgı basqarmasyndaǧylarmen aqyldastyq. Qazırgı taŋda mūnyŋ zaŋdyq jaǧyn qarastyrudamyz. Būryn elımızde Bus Lane ūǧymy bolmaǧandyqtan, endı ǧana salalyq ministrlıkterge ūsynystarymyzdy jıberdık. Nesı bar, tüngı uaqytta arnaiy jolaqqa kölıkterdı qoiuǧa bolady dep oilaimyn» dedı Baqytjan Äsembekūly.Sessiiada qozǧalǧan taǧy bır özektı mäselenıŋ bırı halyqqa alǧaşqy medisinalyq sanitarlyq jäne jedel medisinalyq kömek körsetu turaly boldy. Būl boiynşa qalalyq Densaulyq saqtau basqarmasy basşysynyŋ mındetın atqaruşy Qamaljan Nadyrov baiandama jasady.
Onyŋ aituynşa, bala tuu deŋgeiı men ışkı köşı-qon esebınen Astana halqynyŋ jyldan jylǧa ösuıne bailanysty alǧaşqy medisinalyq sanitarlyq kömek ısıne artylatyn jük az emes. Mäselen, qazırgı taŋda jalpy praktika därıgerlerı otyrǧan bır uchaskede ortaşa eseppen alǧanda 2154 adam tırkelgen. Al Densaulyq saqtaudy damytudyŋ 2016-2019 jyldarǧa arnalǧan «Densaulyq» memlekettık baǧdarlamasyna säikes būl körsetkıştı 1500 adamǧa azaitu josparlanuda. Būl auruhana, emhanalardyŋ sanyn köbeitu jolymen jüzege aspaq.
«Memleket jekemenşık ärıptestık şeŋberınde «Öndırıs» tūrǧyn alabynda därıgerlık ambulatoriia salu mäselesı qarastyryluda. Būiyrtsa, būl nysan kelesı jyldyŋ aiaǧyna qarai boi köteredı. Qazırgı taŋda alty alǧaşqy medisinalyq sanitarlyq kömek nysanynyŋ qūrylysyn jürgızu mäselesın şeşıp jatyrmyz» degen Qamaljan Talǧatūly tüitkıldı mäselelerdı de qozǧap öttı. Sonyŋ bırı därı-därmekpen qamtamasyz etu turaly boldy.
Onyŋ sözınşe, ambulatorlyq deŋgeide därı-därmekpen qamtamasyz etudıŋ jetıspeuşılıgı alǧaşqy medisinalyq sanitarlyq kömek salasynyŋ damuyn tejeumen qatar halyqtyŋ narazylyǧyn, stasionarǧa nauqastardyŋ şamadan tys köp tüsuın tudyruda. Biyldan bastap mektep medisinasy densaulyq saqtau salasynyŋ qarauyna berıldı. Bır oquşynyŋ densaulyǧyna 350 teŋgeden kem emes qarjy bölınuı kerek bolsa, naqty 100 teŋge ǧana bölıngen. Onyŋ özı 5 aiǧa keşıktırılgen. Būl tūrǧydan alǧanda, bölınetın qarjynyŋ azdyǧy baiqalyp tūr.
Qala äkımı apparaty basşysynyŋ orynbasary Azamat Ahmedjanov «Astana qalasynyŋ qūrmettı azamaty» ataǧyna ūsynylǧan adamdardyŋ tızımın jariialady. Olardyŋ qatarynda «Ardagerler ūiymy» respublikalyq qoǧamdyq bırlestıgı Astana qalalyq filialy men qalalyq Qoǧamdyq keŋestıŋ töraǧasy Sansyzbai Esılov, memleket qairatkerı Jänıbek Kärıbjanov, «Konsern «Sesna-Astyq» JŞS basqarma töraǧasy Nikolai Meşeriakov, professor, jazuşy, Fransiia Memlekettık keŋesınıŋ qūrmettı müşesı Jak Attali esımderı ataldy. Qalalyq mäslihat deputattary būl tūlǧalardyŋ ūsynylǧan ataqqa bırauyzdan laiyq dep tapty. Ataqty tapsyrudyŋ saltanaty Astana künı merekesıne qarai atqarylady.
Amanǧali Qaljanov
