Konstitusiialyq reformalardy halyqqa tüsındıru maqsatynda Nūr-Sūltan qalasy Qoǧamdyq keŋesınıŋ töraǧasy Zūlfuhar Ǧaiypov elordalyq mädeniet qyzmetkerlerımen kezdesu ötkızdı. Nūr-Sūltan qalasynyŋ bırlesken mūrajailar direksiiasynyŋ konferensiia zalynda «Jaŋa Qazaqstandaǧy qoǧamdyq-saiasi belsendılık jäne perspektivalyq mümkındıkter» degen taqyryppen ötken döŋgelek üstelde aldaǧy saiasi nauqannyŋ män-maŋyzy baiandalyp, ortaǧa tüsken özektı sūraqtarǧa jauap qaitaryldy.
Bilıktıŋ üş tarmaǧyn özara üilestırudıŋ kökeikestılıgıne toqtalyp, tarihi sabaqtastyq pen älemdık täjıribelerdıŋ maŋyzyn basa körsetken Z.Ǧaiypov «Qazırgı bolyp jatqan köptegen saiasi özgerısterdıŋ barlyǧyn Prezidenttıŋ sailaualdy baǧdarlamasynyŋ logikalyq jalǧasy dep qarastyruǧa bolady. Qaŋtar oqiǧasy saiasi özgerısterdıŋ qadamyn jiılettı. Ötken otyz jylda qol jetken jetıstıkterdı terıske şyǧaruǧa bolmaidy, alaida pandemiia kezeŋı bızdıŋ kürdelı jaǧdaiǧa daiyn emestıgımızdı körsetse, qaŋtar oqiǧasy eldegı küştık qūrylymdardyŋ därmensızdıgın paş ettı. El tırlıgın tüzeu üşın el tıregı – Konstitusiia özgertuler engızudıŋ qajettılıgı tuyndap otyr. Ömırımızdı özgertkımız kelse, aldaǧy referendumǧa beijai qaramaumyz kerek, är azamat öz taŋdauyn jasauy qajet, ol üşın sanany özgertıp, saiasi mädenietımızdıŋ deŋgeiın köteruge tiıspız, sebebı özgerıs özımızden bastalady» dedı.
«Är ūlttyŋ, är halyqtyŋ taǧdyrşeştı kezeŋderı bolady. Sondai kezeŋnıŋ bırı taiau künderde halqymyzdyŋ aldynan öteiın dep tūr. Är azamat «Jaŋa Qazaqstandy» qūruǧa bailanysty altyn dıŋgegımız – Ata Zaŋymyzǧa enetın özgerısterdıŋ mänı men maǧynasyn tereŋ tüsınıp, Prezident bastamalaryna qoldau bıldıruı kerek dep oilaimyn. Öitkenı Qazaqstannyŋ erteŋgı jarqyn bolaşaǧy üşın, halyqtyŋ äleumettık jaǧdaiy men äl-auqatynyŋ köterıluı üşın, Ata Zaŋǧa örkeniettı elderdıŋ täjıribesı negızınde oŋ özgerıster engızılmek. Bızdıŋ ūjym sol kündı qūlşynyspen kütıp otyr, 5 mausym künı öz taŋdauymyzdy jasauǧa daiynbyz» dedı Nūr-Sūltan qalasynyŋ bırlesken mūrajailar direksiiasy direktorynyŋ orynbasary Samat Tergembaev.
Erlan MAZAN
