Beisenbı künı Elbasy Nūrsūltan Nazarbaev «Äzıret Sūltan» meşıtıne baryp, barşa mūsylmandardy qasiettı Qūrban Ait merekesımen qūttyqtady.
«Būl künı adamdar ökpe-renışterın keşırıp, bır-bırıne jaqyn bola tüsedı. Sondyqtan, būl mereke bırıktıruşı röl atqarady. Bızdıŋ halqymyz täuelsızdık alǧannan keiın İslam dınımen qaita qauyşty. Sonyŋ arqasynda damu baǧytyndaǧy jolymyzdy jalǧastyra otyryp, bırlıgımız ben tatulyǧymyzdy nyǧaittyq» dedı Memleket basşysy.
Sondai-aq, Nūrsūltan Äbışūly qazırgı qiyn-qystau kezeŋde tuǧan qaqtyǧystardyŋ negızgı sebepterıne de toqtaldy: «Būlar – eŋ bırınşı, jer aumaǧyna bailanysty daular. Bız osyndai dau tumas üşın körşı eldermen uaǧdalasu arqyly şekaramyzdy bekıttık. Ekınşısı – etnosaralyq qaqtyǧystar. Öz ūltyn özgeden joǧary sanau – asa ülken künä. Bız Qazaqstanda köp ūltty halyqtyŋ bırlıgın qamtamasyz ettık. Etnikalyq tegıne qaramastan, barlyq ūltty qūrmettei otyryp, eldegı tūraqtylyqty nyǧaittyq. Üşınşısı – bügınde bükıl älemde bolyp jatqan dınaralyq qaqtyǧystar. Elımızdıŋ mūsylmandary öz dının ūstana otyryp, özgelerdı qūrmetteidı. Sonyŋ negızınde bız halyqtyŋ bırlıgı men dostyǧyn qamtamasyz ettık. Sondyqtan, halqymyzdy öz dınınde meiırımdılık pen qaiyrymdylyq jolyn taŋdauǧa jäne öskeleŋ ūrpaqty osy baǧytta tärbieleuge şaqyramyn».
Ait merekesınde elordadaǧy «Äzıret Sūltan», «Nūr Astana» jäne Säduaqas qajy Ǧylmani atyndaǧy meşıtterdıŋ aldynda kiız üiler tıgılıp, qaiyrymdylyq järmeŋkesı ūiymdastyryldy.
Roza ÄREN
