Prezidenttıŋ kömekşısı – Qauıpsızdık Keŋesınıŋ Hatşysy Äset İsekeşev elordadaǧy «Antıkor ortalygy» sybailas jemqorlyqqa qarsy servistık ortalyǧyna bardy.
Memleket basşysy özınıŋ «Jaŋa jaǧdaidaǧy Qazaqstan: ıs-qimyl kezeŋı» atty Joldauynda halyqpen tiımdı kerı bailanys ornatu üşın memlekettık organdardyŋ aşyqtyǧy men qoǧamǧa esep beruın qamtamasyz etu qajettıgıne nazar audardy. Būl täsıl «Halyq ünıne qūlaq asatyn memleket» tūjyrymdamasynyŋ ıske asyryluy men memlekettık apparattyŋ azamattardyŋ sūranystaryna den qoiuyn arttyru jönındegı odan ärı jasaityn qadamy. Osyǧan orai, Prezident kömekşısı – Qauıpsızdık Keŋesınıŋ hatşysy Äset İsekeşev Sybailas jemqorlyqqa qarsy ıs-qimyl agenttıgı jūmysynyŋ servistık ülgısımen tanysyp, onyŋ arnaiy monitoringtık toby, aqparattyq – aǧartu ştaby, ardagerler keŋesı men «Astana-Adaldyq alaŋy», «Protecting Business and Investments», «Aşyq biudjet» jobalarynyŋ jetekşılerımen jäne qoǧam ökılderımen kezdestı.
Qoǧam ökılderı qoldanystaǧy jemqorlyqqa qarsy jobalardy jetıldıru, azamattyq qoǧamdy, sondai-aq belsendı jastardy tartu josparlary turaly baiandady. Azamattyq qoǧam ökılderımen kezdesu barysynda Agenttık töraǧasy A.Şpekbaev el basşylyǧynyŋ saiasi erık-jıgerınıŋ arqasynda qazırgı taŋda jemqorlyqqa qarsy ozyq halyqaralyq standarttardy jedel engızu jalǧasyp jatqanyn atap öttı. Būl rette olardyŋ edäuır bölıgı memlekettık baqylaudyŋ balamasy retındegı qoǧamdyq baqylaudy damytuǧa baǧyttalǧan.
Qauıpsızdık Keŋesınıŋ Hatşysy memlekettık organdardyŋ halyqqa qyzmet körsetudıŋ servistık ülgısıne köşuı, bılım beru, densaulyq saqtau, halyqty äleumettık qamtamasyz etu, jer qatynastary jäne t.b salalardaǧy tūrmystyq jemqorlyqty joiudaǧy tabystyŋ negızgı faktorlarynyŋ bırı ekendıgın atap öttı. Būl rette Agenttık osy bastamany ılgerılete otyryp, özı arqyly aşyqtyq, aiqyndylyq jäne tūtynuşyǧa baǧdarlanu qaǧidattaryna beiıldılıktı körsetedı.
Ä.İsekeşev Sybailas jemqorlyqqa qarsy vedomstvonyŋ elordalyq departamentı qyzmetkerlerınıŋ open-space kabinetterıne baryp, mūndai täsıldıŋ transparenttılık pen senım qalyptastyrudyŋ qolaily jaǧdaiyn jasaudaǧy maŋyzdylyǧyna toqtalyp öttı. Jalpy, «Antıkor Ortalyǵy» servistık ortalyǧy Agenttıktıŋ qoǧamdyq ūiymdarmen özara ärekettestıgı men halyqpen kerı bailanysty qamtamasyz etudıŋ tiımdı alaŋy.
Qauıpsızdık Keŋesınıŋ Hatşysyna azamattardy qabyldaudyŋ zamanaui tetıgı, sondai-aq Agenttıktıŋ jemqorlyqqa qarsy jobalary jetekşılerınıŋ bastamalary tanystyryldy. «Astana-Adaldyq alaŋy» jobalyq keŋsesınıŋ jetekşısı Miras Şekenov Agenttıktıŋ elorda äkımdıgımen tiımdı özara ärekettestıgı turaly aita kele, tūrmystyq jemqorlyqty joiu jäne azamattarǧa qolaily jaǧdai jasau boiynşa jemqorlyqqa qarsy ıs-şaralardyŋ ıske asyrylu barysyn baiandady.
Jemqorlyq täuekelderın azaitu mäselelerınde sifrlandyru erekşe oryn alady. Memlekettık mekemelerdıŋ biudjet qarajatynyŋ jūmsaluyn onlain rejimde qoǧamdyq baqylau mümkındıgın qamtamasyz etetın «Aşyq biudjetterdıŋ interaktivtı kartasy» jäne azamattardyŋ qarjylyq sauattylyǧyn arttyruǧa baǧyttalǧan «Aşyq biudjet» jobasy erekşe qyzyǧuşylyq tudyrdy.
Ä.İsekeşev kezdesudıŋ qorytyndysy boiynşa qoǧam ökılderınıŋ bastamalaryn qoldap, memlekettık organdardyŋ aşyqtyǧy men aiqyndyǧyn jäne olardyŋ qoǧammen syndarly yntymaqtasu qajettıgın atap öttı. Onda är ötınış biurokratiialyq kıdırıstersız jäne azamattardy joǧary tūrǧan memlekettık organdarǧa jügınuge mäjbürlemei barynşa sapaly qaraluy tiıs.
