Nūr-Sūltan qalasy Qoǧamdyq densaulyq saqtau basqarmasynyŋ basşysy Timur Mūratov elordalyq medisina COVID-19-dan keiın qalai qalpyna keletının jäne jaqyn arada qalai damitynyn aitty.
«Pandemiianyŋ ekı jylynda medisinalyq qauymdastyq tolyǧymen tötenşe jaǧdaida jūmys ıstedı. Virusty tolyqtai jeŋe almadyq, mümkın älı aiaqtalmaǧan da bolar. Bıraq kadrlyq äleuettı ärı qarai damytatyn, barlyq deŋgeidegı medisinalyq kömektıŋ sapasyn jaqsartatyn, osy uaqyt ışınde paida bolǧan olqylyqtardy toqtatatyn uaqyt keldı. Densaulyq saqtau salasynda negızgı, bıraq şeşıletın problemalar bar: kadr tapşylyǧy jäne infraqūrylymdy jaqsartu qajettılıgı» deidı qalalyq basqarma basşysy.
T.Mūratovtyŋ aituynşa, jaqyn arada kadr tapşylyǧyn azaitu jäne densaulyq saqtau infraqūrylymyn damytu boiynşa keşendı josparlar qabyldanady. Bügınde qala boiynşa därıgerlermen qamtylu 80%-dan aspaidy, al tapşylyq 140 därıgerdı qūraidy.
Basqarma basşysy tūrǧyndar sany artyp kele jatqanyn eskere otyryp, kadrlarǧa airyqşa qajettılık bar ekenın atap öttı. Bügınde elordada bır jalpy praktika därıgerıne tüsetın jükteme 1604 adamdy qūraidy.
«Elordalyq medisina infraqūrylymy qazırgı jaǧdaiǧa säikes boluy kerek. Qala tūrǧyndary jyl saiyn ösıp keledı, ärbır tūrǧynǧa sapaly medisinalyq kömek körsetıluı tiıs. Pandemiia kezınde bız emhanalar men auruhanalardyŋ ǧimarattaryn kürdelı jöndeuden nemese qaita jöndeuden ötkıze almadyq. Endı osy baǧytta jūmys jürgızıledı. 2018 jyldan bastap 2021 jylǧa deiıngı kezeŋde 20 minuttyq qadamdyq qoljetımdılıktı qamtamasyz etetın 40 därıgerlık ambulatoriia nysany aşyldy. Biyl taǧy 10 nysandy aşu josparlanyp otyr, olardyŋ ekeuı aşyldy» dedı elordanyŋ bas därıgerı.
Qalalyq Qoǧamdyq densaulyq saqtau basqarmasynyŋ aqparaty boiynşa bügınde bır astanalyq emhananyŋ filialy, «Dostyq» därıgerlık ambulatoriiasy tolyq jöndeuden öttı, taǧy 8 MSAK ūiymyna ırı jöndeu jäne №1 qalalyq emhananyŋ eskı ǧimaratyn qaita jaŋǧyrtu jürıp jatyr.
T.Mūratov sondai-aq qazır elordalyq klinikalarda medisinalyq jabdyqtardy jaŋǧyrtu jürgızılıp jatqanyn atap öttı. Biyl 54 tehnika satyp alyndy, onyŋ ışınde qalanyŋ bes emhanasyna arnalǧan kompiuterlık tomografiia bar.
«2022 jyl Balalar jyly dep jariialanǧanyn nazarǧa aldyq. Endı barlyq körsetkış boiynşa balalarǧa arnalǧan jäne bosandyru qyzmetın jaqsartatyn bolamyz. Elordada tabiǧi tuu körsetkışı jylyna 30 myŋnan asady. Būl da der kezınde äreket etudı talap etetın öte joǧary körsetkış. Balalar stasionarlary men akuşerlık bloktardyŋ jöndeu jūmystary josparlanǧan. Sondai-aq 2023 jyly 250 tösekke arnalǧan jaŋa akuşerlık korpus salynady. Onyŋ jobalanuy aiaqtaldy» dedı Timur Mūratov.
Ol qalanyŋ josparynda «İnternasionalnyi» eldı mekenınde bır auysymda 150 adam qabyldaityn alǧaşqy medisinalyq-sanitarlyq kömek ortalyǧyn, «Öndırıs» eldı mekenınde bır auysymda 250 adam qabyldaityn jaŋa ambulatorlyq-emhanalyq keşendı salu, №3 qalalyq emhanany ornalastyru üşın ǧimarat satyp alu räsımı jürıp jatqanyn aitty.
