Är zaman öz qaharmandaryn tudyrmai tūra almaidy. Aldyŋǧy tolqyn aǧa buyn keiıngı jas tolqynǧa ärdaiym ülgı körsetuı kerek. Jas ūrpaq batyrlyqtyŋ ne ekenın öz elı men öz aǧalarynan körıp öskenı ǧanibet. Ol erteŋ özınen keiıngı ūrpaqqa aldynda ötken sol jaqsylarmen marqaiyp, solardy därıpteidı. Būl, bır jaǧynan, patriottyq tärbie bolsa, ekınşı jaǧynan, eldıŋ qauıpsızdıgı men berıktıgı. Jastarǧa ülgı bolu – qazırgı aǧa buyn üşın zor jauapkerşılık.
Tektı topyraqtan tülegen sondai tūlǧalardyŋ bırı, keudesı marapat belgılerge toly, Qazaqstan Respublikasy Qaruly Küşterınıŋ ardagerı, otstavkadaǧy polkovnik şenınde jetpıstıŋ jotasyna şyqqaly otyrǧan ardaqty azamat – Qazkei Ysqaqūly Dangulov der edık.
Qazkei Ysqaqūly 1951 jyldyŋ 4 qaraşasynda Selinograd oblysy Aqmola qalasynda dünie esıgın aşqan. 1968 jyly Qorǧaljyn kentındegı №1 orta mekteptı tämamdap, talapty jas 1970 jyly Keŋes Odaǧynyŋ Marşaly İ.S.Konev atyndaǧy Almaty joǧary jalpy äskeri komandalyq uchilişesıne oquǧa tüsedı.
Köptegen tanymal qazaqstandyq äskeri jetekşıler – joǧary äskeri uchilişe tülekterı, mäselen general-polkovnik A.Qasymov, general-leitenant B.Ertaev, A.Tasbolatovtar qatar oqyǧan Qazkei Dangulovty jaqsy qyrynan tanidy.
1970 jyldan 2021 jylǧa deiın Qazkei Ysqaqūly äskeri salada 50 jyldan astam qyzmet atqardy. Polkovnik Dangulov kursanttan Qazaqstan Respublikasy Qaruly Küşterı Bas ştaby departamentı bastyǧynyŋ orynbasaryna deiıngı joldan öttı. 1974 jyly AJÄKU-dy bıtırgen boida sol jyldyŋ qyrküiegınen 1975 jyldyŋ qaraşasyna deiın keŋes ofiserınıŋ dästürlı jolynan öttı – JJM oqu vzvodynyŋ komandirı, bır jyldan keiın oqu rotasynyŋ komandirı bolyp taǧaiyndaldy. 1977 jyldan 1979 jylǧa deiın Mozambik Halyq Respublikasynda şeteldık ıssaparda boldy, onda motojaiauäsker bölımşelerınıŋ komandirlerın daiarlau jönındegı maman qyzmetın atqardy.
Otanymyzdyŋ qorǧanys qabıletın nyǧaitu ısındegı eren eŋbegı üşın polkovnik Qazkei köptegen memlekettık nagradalarmen marapattaldy.
Uaqyt tapşy degennıŋ özınde, ol jas ūrpaq üşın täjıribe men bılım beruge qaşan da yqylasty. Sonyŋ aiǧaǧy ıspettı, 2013 jyldan bastap qazırgı uaqytqa deiın M.S.Närıkbaev atyndaǧy Qazaq gumanitarlyq zaŋ universitetınıŋ äskeri kafedrasynda jūmys ısteidı.
Bız osyndai tūlǧamen qasiettı qara şaŋyraq astynda bırge ärıptes bolyp jürgenımızge bek rizamyz. Onyŋ Qazaqstan Respublikasynyŋ Qaruly Küşterınde özındık sara soqpaǧy bar tūlǧa ekenın maqtanyş etemız.
«Şäkırtsız – ūstaz tūl» degen söz bar. Köptegen şäkırtke bılım bergen, dūrys baǧyt körsetken Qazkei Ysqaqūlynyŋ şäkırtterı osy künı biık belesterdı baǧyndyruda. Parasatty polkovnik bılım bergen äskeri kafedranyŋ oqu vzvodtarynyŋ köptegen tülekterı qazır QR Qaruly küşterı qatarynda äskeri qyzmet etude. Mäselen, kapitan Älihan Qūdaibergenov Nūr-Sūltan qalasynyŋ 68665 äskeri bölımınde, aǧa leitenant Bırjan Jünısov Aqmola oblysynyŋ qorǧanys ısterı jönındegı departamentınde qyzmet etedı.
Är adam ǧūmyrynda onyŋ ömır jolyn aiqyndaityn ūstazdar men jetekşıler bolady. Solardyŋ kömegımen jastar öz mümkındıgın jetıldırıp, elge qyzmet etedı. Sondai ūstaz – Qazkei Ysqaqūlynyŋ ǧūmyry ūzaq bolsyn dep tıleimız.
Amangeldı YBYRAEV,
M.Närıkbaev atyndaǧy QazGZU
äskeri kafedra basşysy,
polkovnik
