Nūr-Sūltan qalasynda Tūrǧyn üi qūrylys jinaq bankınde kezekte tūrǧan 900-den asa salymşy köpten kütıp jürgen päterlerıne qol jetkızdı. Būl quanyşty şaraǧa elorda basşysy Altai Kölgınov qatysyp, jaŋa baspanaǧa ie bolǧan tūrǧyndarǧa öz qolymen päter kıltın tabys ettı.
«Bız üşın qoljetımdı äleumettık tūrǧyn üi salu öte maŋyzdy. Jyl saiyn myŋdaǧan otbasy Elbasy bekıtken «Nūrly jer» memlekettık baǧdarlamasy boiynşa päter alady. Memleket basşysynyŋ tapsyrmasyna säikes biyl jeŋıldetılgen tūrǧyn üi qūrylysynyŋ kölemı üş esege artty» dedı öz sözınde qala äkımı.
Jaŋa qoldanysqa berılgen köp qabatty tūrǧyn üi Esıl audanynda ornalasqan. Onyŋ bırınşı qabatynda äleumettık nysandar ornalasqan. Sondai-aq jaŋa üiden bırqatar ortalyqtar aşu közdelıp otyr. Mysaly, sonyŋ bırı retınde psihologiialyq-medisinalyq-pedagogikalyq keŋes beru ortalyǧyn aituǧa bolady. Mūnda mamandar estu, qarym-qatynas jäne mınez-qūlqynda erekşelıkterı bar balalardy tekseruden ötkızıp, kömek körsetedı. Sonymen bırge Ūlttyq sport türlerın damytu men qaladaǧy Qoǧamdyq tamaqtanu jäne servis kolledjınıŋ studentterıne arnalǧan täjıribe ortalyǧy da ıske qosylady.
