PATRİOTTYQ ÄNDER FESTİVALI
«Nūr Otan» HDP Ardagerler jäne äskeri-patriottyq bırlestıkterı qoǧamdyq keŋesı men Auǧanstan soǧysy ardagerlerı respublikalyq odaǧynyŋ ūiymdastyruymen «Änım saǧan, Qazaqstan!» atty patriottyq änder festivalı märesıne jettı. Qazaq gumanitarlyq zaŋ universitetınde ötken şara biyl törtınşı ret jalǧasyn tauyp otyr.
Tūŋǧyş Prezident künıne arnalǧan öner dodasynda elımızdıŋ tükpır-tükpırınen kelgen ümıtkerler baq synasty. Qazylar alqasynyŋ şeşımımen bas jüldenı qostanailyq Äigerım Balabekova ielense, Oŋtüstık Qazaqstan oblysynan kelgen Symbat Tanagözova bırınşı oryndy qanjyǧalady. Astana qalasynyŋ namysyn qorǧaǧan jerlesımız Mädina Qapanova ekınşı orynnan körındı. Sonymen qatar, petropavldyq Viktoriia İlina, Hantöre Törehanova, Nesıpbai Nūrlan syndy önerpazdar arnauly syilyqtarmen marapattaldy.
Jeŋımpazdardyŋ diplomdaryn tapsyruǧa arnalǧan saltanatty räsımde «Nūr Otan» partiiasy Ardagerler jäne äskeri-patriottyq bırlestıkterı qoǧamdyq keŋesınıŋ hatşysy, Auǧanstan soǧysy ardagerlerı respublikalyq odaǧynyŋ töraǧasy Şärıpbai Ötegenov söz söilep, «Būl şaranyŋ keleşek buynǧa bererı mol. Patriottyq änderı neǧūrlym köp nasihattasaq, Otanyn süietın, jerın, elın ardaqtaityn, ūltyn maqtanyş tūtatyn ūl-qyzdarymyz da köbeie beredı» dep atap öttı.
Ashat RAIQŪL