Medisina ūiymdarynda pasientterdıŋ şaǧymdaryn qarastyratyn pasientterdı qoldau jäne ışkı saraptama qyzmetı jūmys ısteidı. Olar qajet bolǧan jaǧdaida pasientterdıŋ qūqyqtaryn qorǧau boiynşa şaralar qabyldaidy.
Eger sızden şūǧyl medisinalyq kömek alu nemese uchaskelık därıgerge baru üşın saqtandyru märtebesınıŋ boluyn talap etse, uchaskelık därıger bolmaǧan jaǧdaida sızdı qabyldaudan bas tartsa, uchaskelık därıger/medbike nemese sız osy emhanaǧa aumaqtyq qaǧidat boiynşa tırkelgen bolsaŋyz da, feldşer üige şaqyrtu qyzmetın körsetpese, beiındı mamannan keŋes ala almai jürseŋız, sebebı ol därıger joq nemese jazba bır aiǧa tolyq bolsa, densaulyǧyŋyzdyŋ körsetkışterı boiynşa tiıstı diagnostikalyq nemese zerthana qyzmetterıne joldama berılmese, pasientterdı qoldau qyzmetıne habarlasyŋyz. Sonymen qatar sızdı jürgızılgen tekserıstıŋ nätijelerımen tanystyrmasa, därıger qabyldau kezınde dörekılık tanytyp, özın talapqa sai ūstamasa, körsetılgen medisinalyq kömektıŋ sapasyna qanaǧattanbasaŋyz, eger sız diagnozdyŋ nemese taǧaiyndalǧan emnıŋ dūrystyǧyna kümändansaŋyz, özıŋızdıŋ medisinalyq jazbalaryŋyzda qate derekterdı nemese tırkelımderdı anyqtaǧan bolsaŋyz, jalpy medisina qyzmetkerlerı men medisina ūiymynyŋ qyzmet körsetu sapasy qanaǧattandyrmasa da osy qyzmetke jügıne alasyz. Al eger tuyndaǧan mäselenı, sūraqtardy pasienttı qoldau jäne ışkı saraptama qyzmetı şeşpegen jaǧdaida qaşanda fms.kz resmi saity, 1406 bailanys ortalyǧy, Telegram-daǧy Qoldau 24/7 jäne Saqtandyry-Bot mobildı qosymşasy sekıldı bailanys arnalary arqyly Äleumettık medisinalyq saqtandyru qory qyzmetıne jügınuge bolady.
