1 qyrküiekten bastap elımızde onlain-sanaq bastalady. Sanaq sanaq.gov.kz saitynda 15 qazanǧa deiın jalǧasady. Elorda tūrǧyndary ornalasqan jerıne qaramastan virtualdy kömekşı arqyly özderıne jäne otbasy müşelerıne arnalǧan sanaq paraǧyn toltyruy qajet. Būl turaly Nūr-Sūltan qalasynyŋ äkımı Altai Kölgınov Instagram paraqşasynda jazdy.
«Onlain-rejimde sanaqtan ötpegen azamattardy qamtu üşın dästürlı jappai aralau 1 qazan men 30 qazan aralyǧynda ötedı. Sanaq kezınde sūhbat aluşylar planşetterdı paidalanady. Alynǧan mälımetter tıkelei jalpy aqparat bazasyna jıberıledı. Sanaq sanitarlyq normalardy qataŋ saqtai otyryp jürgızıledı. Elımızde sanaq soŋǧy ret 2009 jyly ötkızıldı. Ol maŋyzdy taldamalyq mälımetterdı, sonyŋ ışınde halyqtyŋ naqty sanyn, jasyn, genderlık qūramyn jäne t.b. aluǧa mümkındık beredı» dep jazdy elorda äkımı.
