Baqyt Sūltanov Beibıtşılık jäne kelısım saraiynda bolyp, erekşe ǧimarattyŋ jūmysymen tanysty.
Aldaǧy uaqytta būl ǧimarattyŋ ışkı körınısı jaŋa mazmūnǧa ie bolmaq. Būl özgerıstıŋ qalaişa jasalatyny jönınde qala basşysyna «Qūlanşy» zamanaui öner ortalyǧynyŋ jetekşısı Leila Mahat tanystyrdy. «Bız nysandy jaŋa energiiamen tolyqtyrudy josparlap otyrmyz. Mūnda säuletşı Norman Foster oilap tapqan stilge säikes keletın barlyq bölmelerdıŋ ädemı, jaily boluyn qalaimyz. Sonymen bırge osynda ötetın mädeni baǧdarlamalardyŋ üilesımdılıgıne de maŋyz berıletın bolady» dedı ol. Sondai-aq atalǧan saraida kovorking ortalyǧyn qūru josparlanyp otyrǧany mälım boldy.
Mūnymen qosa, qala äkımdıgı Prezidenttık saiabaqty qaita jaŋartudy jobalap otyr. «Bız jobany jüzege asyratyn avtordy anyqtadyq. Saiabaq qūrylymyna «Ensiklopediia saiabaq», «Ejelgı öner jäne tehnologiialar mūrajaiy» syndy tolyqtyrular engızıledı. Avtorlar keste daiyndap, qūrylys ekı kezeŋge bölınıp jürgızıledı. Saiabaq pen oǧan ırgeles aumaqtar jaŋartylady» dedı Säulet, qala qūrylysy jäne jer qatynastary basqarmasynyŋ basşysy Baqtybai Taitaliev.
Elorda basşysy Beibıtşılık jäne kelısım saraiynyŋ ışkı özgerısterı boiynşa ūsynylǧan jobany qoldap, jauapty mamandarǧa ǧimaratqa tolyq tehnikalyq saraptama jürgızudı tapsyrdy.
