Körmede keletın qonaqtardyŋ basym köpşılıgı şeteldıkter bolatyndyqtan, özderın emın-erkın sezınuı üşın tiıstı jaǧdai jasau – bızdıŋ mındetımız. Būl, äsırese, tärtıp saqşylaryna qaratyp aitylatyn söz. Osy oraida, astanalyq poliseiler meimandarǧa qyzmet körsetu üşın aǧylşyn tılın üirenıp jür degen habar aldyq.
Astana qalasy Işkı ıster departamentınde jūmys ısteitın 150 polisei aptasyna üş ret tıl üirenu kursyna qatysyp jür. Oqu säuır aiynan bastalyp, körmenıŋ aiaǧyna deiın jalǧasady.
Tıldık kurstyŋ basty maqsaty – poliseiler şet tılınde özın tanystyruǧa, qonaqtardyŋ sūraqtaryna mardymdy jauap qaitaruǧa jäne adasyp qalǧandarǧa jol sılteuge üiretu. Sol sebeptı oqu baǧdarlamasy tärtıp saqşylarynyŋ jūmysyna säikes yŋǧailastyrylyp jasaldy. Tyŋdauşylar köbınese audio jäne videomaterialdardy paidalanyp, şeteldıkterdıŋ söileu mänerın ūǧynuǧa baryn saluda.
«Är eldıŋ salty basqa» degendei, poliseiler tek tıldı meŋgerıp qana qoimai, älem elderındegı sälemdesu saltymen de tanysyp jatyr. Būl kurstarǧa 167 qyzmetker qatysuda.
Sızder de bılıp jürıŋızder, bas barmaqty joǧary köteru işarasy Taiau Şyǧys elderınde, Latyn Amerikasynda, Batys Afrikada, Auǧanstanda dörekı bolyp esepteledı. Būl osy elderdıŋ halqyna «ket!» degen maǧynany bıldıredı. Bükıl älemde «bärı jaqsy» degen maǧynamen belgılı «OK» belgısı Fransiiada kerı emosiiany, al Braziliiada müldem anaiy maǧynany bıldıredı.
Güldana TALǦATQYZY
