Polisiia azamattarǧa aşyq, qamqor boluy kerek

Memleket basşysy Qasym-­Jomart Toqaev Qazaqstan hal­qyna arnaǧan «Syndarly qoǧamdyq dialog – Qazaqstannyŋ tūraqtylyǧy» atty joldauynda Işkı ıster salasyna qatysty reformalardyŋ maŋyzyna toqtalyp, polisiianyŋ memlekettık küştık qūrylymdaǧy qauıpsızdıktı qamtamasyz etu üşın azamattarǧa qyzmet körsetetın organǧa ainalatyny turaly aitty.

«Poliseiler jūmysynyŋ tiımdılıgı polisiia qyzmetınıŋ bedeldı boluyna bailanysty» dedı prezident naqtylap. Elımızdıŋ bügıngı äleumettık-ekonomikalyq jäne saiasi jaǧdaiy qūqyq qorǧau organdarynyŋ aldyna jaŋa talaptar qoiyp otyr. Terrorizm jäne ekstremizm qaupı, qūqyq qorǧau organdary arasyna deŋden engen sybailas jemqorlyq körınısterı – salany reformalau mäselesın kün tärtıbıne şyǧardy. Elbasy jäne Memleket basşysynyŋ tapsyrmasy boiynşa qoǧammen bailanysty jaqsartu, polisiia qyzmetınıŋ aiqyndyǧyn jäne aşyqtyǧyn qamtamasyz etu, servistık modelge köşudı qolǧa aldyq. Mysaly, jemqorlyqqa qatysty aitsaq, «Şep» stasionarlyq beketterınde kölıkterdı sebepsız toqtatu, jemqorlyq pen paraqorlyq faktılerınıŋ taraluyna jol berıledı. 1998 jyly elımızde polisiianyŋ 320 stasionarlyq beketı jūmys ıstedı, 2003 jyly 68-ge deiın azaidy, 2018 jyly – 36-ǧa tömendedı. Beketterdıŋ sany qysqarǧanyna qaramastan, mäsele sol küiınde qalǧan bolatyn. Statistika körsetkendei, «Şep» beketterınıŋ tiımdılıgı aitarlyqtai tömen. Olardyŋ ülesıne polisiia anyqtaǧan jalpy äkımşılık qūqyq būzuşylyqtardyŋ tek 4-5 paiyzy ǧana tiesılı, sondyqtan bız elımızdıŋ syrtqy territoriia­laryna jaqyn jäne tranzittık dälızde ornalasqan beketterdı qaldyru jönınde şeşım qabyldadyq. Qalǧan beketterdegı jol qozǧalysyn qadaǧalau qoldanystaǧy avtomatty monitoring jüiesı arqyly jüzege asyrylady. Būǧan qosa, jeke qūram arasyndaǧy jemqorlyq täuekelderın azaitu üşın beketterde täulık boiy beinebaqylau ūiymdastyryldy. Jemqorlyqqa qarsy bas­tamanyŋ bırı – tırkeu-emtihan bölınısterın taratu. Būl jaŋalyq qoǧamdy eleŋ etkızdı. Jasyratyny joq, tırkeu-­emtihan bölınısterı köptegen basşylarǧa jem salynǧan astau qyzmetın atqaryp kelgen bolatyn.Bız ūzaq jyldar boiy tamyr jaiyp kelgen jemqorlyq jüiesın būzu arqyly ındetpen küresudıŋ jaŋa täsılderın qoldanuǧa köşemız.
Prezident Qasym-Jomart Toqaev joldauda ışkı ıster salasyn köteruge barlyq jaǧdai jasalatynyn basa aitty. «Eŋ aldymen, 2020 jyldyŋ aiaǧyna deiın Äkımşılık polisiia komitetınıŋ jūmysyn qaita ūiymdastyru qajet. Mūny nauqanşyldyqqa ainaldyrmai, sapaly jürgızgen jön. Işkı ıster ministrlıgın reformalauǧa aldaǧy üş jyl ışınde 173 milliard teŋge bölınedı. Būl qarajat eŋbekaqyny köbeituge, baspanany jalǧa aluǧa, halyqqa qyzmet körsetu qaǧidaty boiynşa polisiianyŋ zamanaui front-­ofisterın aşuǧa jūmsalady» dedı. Prezident aitqan reforma nätijelılıgı bız üşın basty orynda, aita ketu kerek, bügınde aşylyp jatqan Polisiia departamentterı, basqarmalary men bölımderı, jalpy polisiia qūrylymdary janynan HQKO ülgısınde jūmys ısteitın front-keŋselerınıŋ bärı de polisiianyŋ halyqqa barynşa aşyq bolu maqsatyn közdeidı. Front-keŋselerdıŋ erekşelıgı jäne eŋ basty artyqşylyǧy – kez kelgen adam eşqandai aldyn ala jazylusyz, biurokratiialyq kedergılersız osy jerge kelıp, özın tolǧandyryp jürgen mäselesın, bılgısı kelgen sūraǧyn tıkelei mamandarǧa qoia alady.
Esırtkınıŋ zaŋsyz ainalymyna qarsy ıs-şaralardy küşeitu baǧytyndaǧy Prezident Qasym-­Jomart Toqaevtyŋ tapsyrmasyn bız üş baǧytta atqaryp jatyr­myz. Bırınşısı, IIM arnaiy bö­lım­şelerınıŋ jedel toptarynyŋ qyzmetı. Būl toptar ırı esırtkı satuşylardy anyqtau, ūiymdasqan qylmystyq toptyŋ qyzmetıne tosqauyl qoiu jäne esırtkı, äsırese, sintetikalyq esırtkı tasymaly kanaldaryn joiu baǧytynda ülken jūmys­tar atqaruda. Osy jyldyŋ soŋǧy 5 aiynda būl bö­lınıster 980 esırtkı qylmysyn anyqtady, sonyŋ ışınde ötkızuge qatysty 707 jäne esırtkını ırı mölşerde saqtau boiynşa 167 faktı tırkeldı. Barlyǧy 3 tonna 409 gramm ärtürlı esırtkı, dälırek aitqanda 11,144 kelı geroin jäne 2,621 kelı sintetikalyq esırtkı tärkılendı. Atalǧan merzımde 4 ūiymdasqan qylmystyq toptyŋ qyzmetı toqtatyldy, olardyŋ basşylary men qatysuşylary üstınen 8 qylmystyq ıs qozǧaldy. Joldauda aitylǧandai, reformanyŋ maŋyzdylyǧy – jas qyzmetkerlerdı qataŋ ırıkteuden ötkızu, sondai-aq täjıribelı jäne adal mamandardy saqtau. Sondyqtan osy baǧytta keşendı şaralar qabyldanuda. Bızdıŋ jūmysymyz­dyŋ eŋ basty körsetkışı – ol halyqtyŋ bızge degen senımı.