Praimerizge qatysuşylardyŋ baǧdarlamalarynda elordany damytu men äleumettık qoldau şaralaryn jaqsartu eskerıledı. Elorda äkımı Altai Kölgınov ekı kün boiy Nūr-Sūltan qalasynyŋ är audanynan bäsekege tüsken kandidattarmen kezdestı. Jüzdesuler barysynda «Aşyq mikrofon» formatynda qatysuşylar baǧdarlamalarynyŋ baǧyttary men odan ärı yntymaqtastyq mümkındıgı talqylandy. Būl turaly qala basşysy özınıŋ Instagram-daǧy paraqşasynda jazdy.
«Olar mektep üiırmelerınıŋ jelısın keŋeitu jäne erekşe qajettılıgı bar azamattardy oŋaltu, ekologiiany jaqsartu jäne şaǧyn jäne orta biznestı qoldau, tūrǧyn üi şaruaşylyǧyn jaŋǧyrtu jäne baspana alu baǧdarlamalaryna jaŋa ädısterdı engızuge deiıngı syndarly ūsynystar aitty. Memleket basşysy Qasym-Jomart Toqaev halyqqa arnaǧan Joldauynda osy baǧyttardy damytuǧa basa nazar audardy. Olar sondai-aq Nur Otan partiiasynyŋ sailaualdy baǧdarlamasynda körınıs tapty» deidı A.Kölgınov.
Äkım qatysuşylar praimerizdı ötkızuge barynşa jauapkerşılıkpen qarap, är qatysuşy halyqqa tüsınıktı, mäselelerdı şyn mänınde şeşetın baǧdarlamalardy ūsynǧanyn jetkızdı. Olardyŋ baǧdarlamalardy odan ärı damytu üşın qajettı täjıribesı bar ekenın anyq köruge bolady.
«Barlyq audandardaǧy kandidattar būl soŋǧy nätije emes ekenın, baǧdarlamalardy ıske asyrudyŋ bastamasy ǧana ekenın aityp otyr. Praimerizge qatysuşylardy jobalardy äzırleuge jäne talqylauǧa tıkelei tartu, qandai da bır ideialar men ūsynystar egjei-tegjeilı talqylanatyn alaŋ qūru turaly ideiasyn qoldadym. Öz tarapymyzdan praimerizge qatysuşylardyŋ jaqsy bastamalary men jobalaryn eskeremız. Ügıt-nasihat jūmystary jaŋa tūlǧalardy, ideialar men täsılderdı anyqtauǧa mümkındık berdı. Partiia köşbasşysy Nūrsūltan Äbışūly Nazarbaev praimerizdıŋ maqsaty halyqtyq partiialyq tızımderdı qalyptastyru jäne barlyǧyna teŋ jaǧdai jasau ekenın atap öttı. Būl – jasqa, tamyr-tanystyqqa qaramaityn äleumettık lift. Bırlesken küş-jıgerdıŋ arqasynda ülken nätijelerge qol jetkızuge bolady» dep sözın tüiındedı äkım.
Altai Kölgınov praimerizge qatysqan belsendı azamattarǧa alǧysyn bıldırdı.
