Elordadaǧy «Grand Astana» tūrǧyn üi keşenıne köşıp kelgenımızge bırneşe jyldyŋ jüzı boldy. Qalanyŋ qaq ortasynda qonys tepkendıkten, ainalamyzda ärlı-berlı seruenge qolaily jerler köp-aq. Äsırese, Prezidenttık saiabaqqa barudy ūnatamyz. Alaida är barǧan saiyn qaryn aştyrar körınıske kuä bolyp qaitatynymyz şyndyq.
Soltüstık jaǧynan – Baitūrsynov köşesımen, oŋtüstık jaǧynan – Näjımedenov köşesımen, batysynda – Aq Ordamen, al şyǧysynda Beibıtşılık jäne kelısım saraiymen şektesıp, özen jiegınde jatqan būl park – bügınde şaharymyzdaǧy eŋ ırı saiabaq. Onyŋ aumaǧy 80 gektardy qūraidy. Özı 2007 jyly astanamyzdyŋ on jyldyq mereitoiyna orailastyrylyp aşylypty. Aty da, zaty da dardai parktegı subūrqaq-gülzarlar, tıptı, jol jiegıne, özen jaǧasyna ornatylǧan oryndyqtardyŋ materialynan-aq äu basta az qarjy jūmsalmaǧanyn baiqauǧa bolady. Bıraq saiabaqtyŋ bügıngı körınısın körgende, sol aqşanyŋ esıl ketkenı me dep qarnyŋ aşady.
Mūndaǧy közge tüsetın eŋ bırınşı närse – jairap jatqan qoqys qaldyqtary. Auzy-mūrnynan şyǧyp tūrǧan qoqys jäşıkterı uaqytyly tazartylmaityny körınıp tūr. Negızı, jäşıktıŋ toly ekenın körıp, bosaǧan bötelkeŋdı sömkeŋe salyp alyp, basqa jerdegı jäşıkke de tastauǧa bolady ǧoi. Ondai mädeniettıŋ bızde qalyptasuy üşın qanşa jyl kerek ekenın bılmeimın. Äitkenmen, qyzyǧy, psihologiia ǧylymynda tūrǧyndardyŋ osyndai qylyǧyn tüsındıretın «synyq tereze teoriiasy» bar eken. Ol tüsınık boiynşa, äldebır jerde tärtıpsızdık körınıs tapsa, ony dereu joiu kerek, al ideal nūsqasynda sol tärtıpsızdıktıŋ aldyn alu qajet. Öitkenı däl jaŋaǧy bırınşı impuls tärtıpsızdıktı odan ary qarai jalǧastyrady. Iаǧni bızdıŋ jaǧdaiymyzǧa kelsek, şaşylyp jatqan qoqysty körgen adamdarda «E-e-e, myna jerdıŋ iesı joq eken, qoqystary jairap jatyr, demek mūndai äreket jasauǧa bızge de rūqsat» degen oi paida bolady. Parktegı qiraǧan oryndyqtar turaly da osyny aituǧa bolady.
Qoryta kelgende aitpaǧym, qalamyzdyŋ tap-tamaşa saiabaǧy iesız qalmai, bır organnyŋ qarauyna berılse eken. Tūraqty türde retke keltırılıp tūrǧan düniege basqalar da janaşyrlyqpen qarai bastaidy dep oilaimyn. Sonymen qatar, qazır elordada ekologiialyq estafeta ötıp jatyr. Türlı ūiym ökılderı bırlesıp nemese, tym bolmaǧanda, osy maŋdaǧy tūrǧyndardy jaqyn maŋdaǧy KEGOK, Ūlttyq muzei siiaqty ülken ūjymdardy jūmyldyryp, bır senbılıkte Prezidenttık saiabaq aumaǧyn qaldyqtan tazartudy ūiymdastyrsa degen de tılek bar.
Änuarbek AMANAT,
zeinetker
