Prezidentke esep berdı
![](https://astana-akshamy.kz/wp-content/uploads/2023/07/kz1-9144-2-780x470.jpg)
Prezident Qasym-Jomart Toqaev Ūlttyq bank töraǧasy Ǧalymjan Pırmatovty qabyldady. Memleket basşysyna Ūlttyq banktıŋ biylǧy bırınşı jartyjyldyqta jüzege asyrǧan aqşa-kredit saiasatynyŋ aldyn ala qorytyndylary jönınde esep berıldı.
Qasym-Jomart Toqaevqa älemdegı jäne Qazaqstandaǧy ekonomikalyq ahual, infliasiia faktorlary men ony tömendetu üşın qabyldanyp jatqan şaralar, tölem balansynyŋ dinamikasy, sondai-aq BJZQ, Ūlttyq qor aktivterı men altyn-valiuta rezervterınıŋ jai-küiı turaly baiandaldy.
Ǧalymjan Pırmatovtyŋ aituynşa, Ūlttyq bank qabyldaǧan şaralardyŋ nätijesınde infliasiia bäseŋdep keledı jäne bank boljamyna sai qalyptasyp otyr. Sonymen qatar Prezidentke Aşyq banking tūjyrymdamasyn qoldanysqa engızu jäne tölem naryǧyn retteu mäselelerı jönınde mälımet berıldı. Kezdesu soŋynda Memleket basşysy aqşa-kredit saiasatyn tiımdı ıske asyruǧa baǧyttalǧan mındetter jüktedı.
Memleket basşysy Qasym-Jomart Toqaev University Medical Center korporativtık qorynyŋ basqarma töraǧasy Iýrii Piany qabyldady. Prezidentke University Medical Center korporativtık qory qyzmetınıŋ nätijesı men aldaǧy jospary turaly baiandaldy. Memleket basşysyna mekeme negızınde alǧaşqy İntegrasiialanǧan akademiialyq medisinalyq ortalyq qūru arqyly UMC-dı transformasiialau barysy turaly mälımet berıldı. Negızgı maqsat – bılım beru, zertteu ısın jäne klinikalyq täjıribenı toǧystyra otyryp, medisinalyq qyzmet sapasyn jaqsartu.
Iýrii Pia Qasym-Jomart Toqaevqa zaman talabyna sai därıgerlerdı daiarlau üşın Qordyŋ jüzege asyryp jatqan şaralary turaly aitty. Sondai-aq elımızdegı medisinalyq bılım beru ısın jetıldıru perspektivalary turaly közqarasyn jetkızdı. Kezdesu barysynda otandyq densaulyq saqtau jüiesınıŋ tüitkıldı mäselelerı, sonyŋ ışınde qoldanystaǧy infraqūrylymdy tiımdı paidalanu jäne Qazaqstanda medisinalyq kömek körsetu sapasyn arttyru şaralary talqylandy.