Prezident Qasym-Jomart Toqaevtyŋ töraǧalyǧymen şūǧyl äreket etu ştabynyŋ kezektı otyrysy beinebailanys rejimınde öttı. Jiyn barysynda Bas prokuror, Ūlttyq qauıpsızdık komitetınıŋ töraǧasy, Işkı ıster jäne Qorǧanys ministrlerınıŋ mındetın atqaruşy tūlǧalar baiandama jasady.
Memleket basşysyna qūqyq qorǧau organdary men Qaruly Küşterdıŋ elımızdegı jaǧdaidy tūraqtandyru üşın qabyldaǧan belsendı şaralary turaly baiandaldy. Adamdar men kölıkterdı tekseru, sondai-aq strategiialyq nysandarǧa baqylau ornatudy jüzege asyru maqsatymen eldı mekenderdıŋ aumaǧyna 93 blokbeket qoiyldy.
Qasym-Jomart Toqaevqa zaŋ talaptaryna baǧynbau jäne asa maŋyzdy ärı strategiialyq nysandarǧa şabuyl jasau faktılerınıŋ qataŋ türde joly kesılgenı jönınde mälımet berıldı. Almatyda «Barlyq» jäne «Altyn Orda» bazarlaryn tazartu barysynda 207 adam ūstaldy. Olardan ūrlanǧan 5 avtokölık, qaru-jaraq, oq-därıler, qalqandar tärkılendı.
Elordada aldyn alu şaralary jürgızılude. Onyŋ barysynda aulalar men päterlerdıŋ tynyştyǧy qamtamasyz etıledı, sondai-aq täulık boiy avtopatrul küzetedı. Jalpy elımız boiynşa tötenşe jaǧdai rejimın būzǧan 1,5 myŋ adam jauapqa tartyldy.
Memleket basşysyna negızgı küş-jıgerdıŋ qazırgı uaqytta terroristerdıŋ mekenjaiyn anyqtap, ūstau jönındegı şūǧyl şaralarǧa baǧyttalyp otyrǧany baiandaldy. Qasym-Jomart Toqaev elımızdegı qoǧamdyq tärtıp pen qauıpsızdıktı qalpyna keltıru ısın jalǧastyra berudı, sondai-aq atalǧan jūmystar boiynşa aqparattyq qoldau körsetudı küşeituge tapsyrma berdı.
