Qazaqstan Düniejüzılık sauda ūiymyna müşelıkke qabyldandy. Jenevadan jetken jaǧymdy jaŋalyq bärımızge bärekeldı degızıp, jer-jahanǧa jaiylyp jüre berdı.
Osynau aituly oqiǧaǧa bailanys-ty Elbasy N.Ä.Nazarbaev DSŪ Bas keŋesınıŋ otyrysynda söz söilep, älemdık äidık naryqqa qarai qaiyrly qadam basqan Qazaqstan talabyn qoldap, quattaǧan barlyq tılektes memleketterge, Ūiym hatşylyǧyna ūzaq jyldarǧa sozylǧan kelıssözder kezındegı syndarly ūstanymdary üşın alǧysyn aityp, rizaşylyǧyn bıldırdı.
Täuelsızdık alǧannan bergı aralyqta Qazaqstan ekonomikasy eleulı qiyndyqtardy eŋserıp, bırtalai biıkterdı baǧyndyrdy. Öndırıs örge basyp, el-jūrtymyzdyŋ eŋsesı köterıldı. Tabystyŋ taiqazany tasyp, auzymyz aqqa tidı. Qazaqstan ekonomikasynyŋ qūrylymy da ülken özgerısterge tüstı. Bügınde IJÖ-nıŋ 54 paiyzyn qyzmet körsetu salasy qamtamasyz etıp otyr.
Qazaqstan özınıŋ investisiialyq äleuetın de edäuır arttyrǧanyn atap ötkenımız abzal. Soŋǧy on jylda el ekonomikasyna 200 milliard dollardan astam şeteldık investisiialar tartyldy. Azuyn aiǧa bılegen AQŞ, Niderland, Şveisariia, Fransiia, Ūlybritaniia, Kanada, Japoniia, Koreia sekıldı alpauyt memleketter bızdıŋ ırı investorlarymyzǧa ainaldy. Sondai-aq, ekonomikany ärtaraptandyrudyŋ ärtürlı ädıs-täsılderı qoldanyluda. İnvestisiialardyŋ tek mūnai-gaz, tau-ken sektorlaryna ǧana emes, sonymen qatar, öŋdeu käsıporyndaryna da keluıne barlyq jaǧdai jasalǧan. Basymdyq berılgen salalardaǧy investorlar 10 jylǧa korporativtık tabys jäne jer salyqtaryn, 8 jylǧa mülık salyǧyn töleuden bosatylǧan.
Sarabdal saiasattyŋ arqasynda qol jetkızgen joǧarydaǧy jetıstıkterımızdı tılge tiek etken Nūrsūltan Äbışūly Qazaqstan ekonomikasyn jahandyq naryqqa integrasiialau boiynşa ülken joldy basyp ötkenımızdı jäne mūnymen toqtap qalmaitynymyzdy aitty.
Sonymen oidaǧy ısımız oryndaldy. Közdegen mejemızge köterıldık. Ülken tılektıŋ üstındemız. Maqsat – aiqyn, mındet – zor.
Qazaqstannyŋ DSŪ-ǧa kıruı halqymyzdyŋ äl-auqatyn arttyruǧa igı yqpalyn tigızgei!
Talǧat BATYRHAN
