Qadır tünındegı qaiyrymdylyq
Qaiyrymdylyq jasau – imandylyqtyŋ bır belgısı. Adamgerşılıktı joǧary qoiatyn bızdıŋ qoǧamda qaiyrymdylyq jasau ömır zaŋyna ainalǧan. Ailardyŋ sūltany sanalatyn Oraza kezınde jüzege asyp jatqan sondai bır jarqyn şaranyŋ bırı – jetım-jesırler men kembaǧal jandarǧa kömektesu.
Qadır tünı qarsaŋynda L.N.Gumilev atyndaǧy Euraziia ūlttyq universitetınıŋ rektory, QR ŪǦA akademigı, Astana qalasy mäslihatynyŋ deputaty Erlan Sydyqovtyŋ qoldauymen Astana qalasyndaǧy №14 sailau okrugy aumaǧynda köpşılıkke taǧylym bolarlyq qaiyrymdylyq şarasy öttı. «Ata dästürımızden kele jatqan ızgı amal, sauapty qadamnyŋ qaşanda ömırde alar orny erekşe, sony ūstanyp, ömırşeŋ etu – bızge paryz» degen halyq qalaulysy qala tūrǧyny, DSP syrqatyna şaldyqqan Oralhanova Nürziia Erkınjanqyzyna qarjylai jäne zattai kömek qolyn sozdy.
Nürziia Erkınjanqyzy 2005 jyly 22 aqpanda düniege kelgen. Tuǧannan keiın arada 3 ai uaqyt ötpei DSP syrqatyna şaldyqqan ol qazırgı taŋda köp balaly otbasynda tūryp jatyr. Al anasy Zeinegül Toǧjanova bes balany päter jaldap tärbieleude.
Qamköŋıl balamen jüzdesude halyq qalaulysynyŋ kömekşısı Zaŋǧar Ormanşa rektor atynan eŋ ızgı tılekterın bıldırıp, saltanatty türde syilyqtar tapsyrdy. Qarjy-qarajat, kiım-keşek, kıtaptar berıldı.
Nürziia halyq qalaulysynyŋ bergen syilyqtaryna dän riza bolyp, şynaiy alǧysyn bıldırdı. Şattanǧanyn körseŋız! Jüzdesu soŋynda syilyqqa ie bolǧan balaqai mäz bolyp, än saldy. Qazaqtyŋ salty boiynşa arnaiy kelgen qonaqqa dastarqan jaiyp, rizaşylyqtaryn bıldırdı.«Bar jaqsylyq – balalarǧa» demekşı, el erteŋın tızgındeitın ūrpaqqa qamqorlyq jasau, demeu körsetu – azamattyqtyŋ jarqyn körınısı.