Elordada ömırlık qiyn jaǧdaiǧa tap bolǧandarǧa, zeinetkerlerge, mümkındıgı şekteulı jandarǧa jan-jaqty qoldau körsetetın ortalyqtar jūmys ısteidı.
– «Nūrly jürek» äleumettık qyzmet körsetu ortalyǧynda psihonevrologiialyq patologiiasy bar 3 jastan 18 jasqa deiıngı erekşe balalar tūrady. Olarǧa densaulyǧyna bailanysty täulık boiy kütım men medisinalyq qyzmet körsetıledı. Balalar damu deŋgeiıne bailanysty qozǧalmaly em, äleumettık beiımdeu, äleumettık-tūrmystyq baǧyt-baǧdar beru, äleumettık eŋbekke üiretu toptaryna bölıngen. Bailanys deregı: + 7 (7172) 547 525, e-mail: info@nurlyzhurek.kz
– Zorlyq-zombylyqqa ūşyraǧan, tūrmystyq zorlyq-zombylyqqa ūşyraǧan äielderge äleumettık qyzmet körsetetın «Ümıt» daǧdarys ortalyǧy jūmys ısteidı. Bailanys deregı: +7 (7172) 49-78-89, e-mail: centr_07_2013@mail.ru
– «Qamqor» äleumettık qyzmet körsetu ortalyǧy psihonevrologiialyq aurulardan zardap şegetın, kütımge, tūrmystyq jäne medisinalyq qyzmet körsetuge mūqtaj 18 jastan asqan adamdardyŋ täulık boiy jäne tūraqty tūruyna arnalǧan. Aqmola oblysyndaǧy qaraǧaily orman ortasynda 350 jandy qanatynyŋ astyna alǧan «Qamqor» äleumettık ortalyǧy 2005 jyly qūryldy. Bailanys deregı: +7 (7172) 97-81-73, faks: 8 (71638) 2-43-88, e-mail: gu_pmsu@mail.ru
– «Janūia» otbasy institutyn qoldau ortalyǧy qiyn jaǧdaiǧa tap bolǧan azamattarǧa psihologiialyq, äleumettık jäne qūqyqtyq tūrǧyda qoldau körsetedı. Densaulyq saqtau, bılım beru, jūmysqa ornalastyru, käsıpkerlık, äleumettık kömek körsetu jäne tūrǧyn üi baǧdarlamalary boiynşa aqysyz keŋes aluǧa bolady. Bailanys deregı: Beibıtşılık, 14. +7 (7172) 27 82 98.
– Sonymen qatar qalada qarttarǧa, mügedektıgı bar adamdarǧa jäne erekşe balalarǧa arnalǧan oŋaltu ortalyǧy bar. Mūnda qarttarǧa, eresekter men mügedektıgı bar balalarǧa sanatoriialyq-kurorttyq emdeu jäne oŋaltu qyzmetterı körsetıledı.
– Elımızde kez kelgen bala men jas kömek sūrap, habarlasa alatyn «150» jäne «111» senım telefony jūmys ısteidı. Būl nömırge qyz-kelınşekter de qiyn jaǧdaiǧa tap bolǧanda habarlasa alady. «150» senım telefonynyŋ WhatsApp-ta +7708 106 08 10 nömırı de bar. Zorlyqqa ūşyraǧan adam «102» nömırıne habarlasyp, Işkı ıster departamentı qyzmetkerlerıne bolǧan jaǧdaidy aityp, aryz qaldyrsa bolady.
https://youtu.be/iFsR7XjeJF4
