iKOMEK109 bıryŋǧai bailanys ortalyǧynyŋ qyzmetkerlerı koronavirustyq infeksiiaǧa qarsy revaksinasiiadan belsendı öttı. Olar halyqpen tyǧyz qarym-qatynasta qyzmet atqaratyn basqa da azamattardy qaita ekpe aluǧa şaqyrdy.
Elımızde karantin bastalǧaly berı iKOMEK109 ortalyǧy elorda tūrǧyndarymen jäne qonaqtarymen üzdıksız bailanysta jūmys ıstep keledı. Ondaǧy qyzmetkerler qalanyŋ tynys-tırşılıgın qamtamasyz etumen bırge koronavirus jäne tötenşe jaǧdai rejimı mäselelerı boiynşa bıryŋǧai jedel jelı qyzmetın de atqaryp jür.
Qazırgı kezde iKOMEK109 bıryŋǧai bailanys ortalyǧyna tüsetın sūraqtardyŋ basym bölıgı densaulyq saqtau mäselelerıne qatysty bolyp otyr. Jyl basynan berı ortalyq qyzmetkerlerı 165 myŋ ötınış qabyldasa, onyŋ 2 myŋnan astamy – vaksinasiia jäne revaksinasiia mäselelerı töŋıregınde, al 1,6 myŋy – koronavirus belgılerı boiynşa konsultasiialar.
«Epidemiologiialyq jaǧdai tūraqsyz bolyp otyr. Sondyqtan iKOMEK109 qyzmetkerlerı üşın öz densaulyǧy men jaqyndarynyŋ densaulyǧyn qorǧau ǧana emes, sonymen qatar iKOMEK109 qalalyq ortalyǧynyŋ üzdıksız jūmysyn qamtamasyz etu üşın de revaksinasiiadan uaqytyly ötu maŋyzdy» dedı atalmyş ortalyq basşysy Jannat Dübırova.
