QR Premer-ministrınıŋ orynbasary Berdıbek Saparbaev pen qala äkımı Altai Kölgınov Nūr-Sūltan qalasyndaǧy №76 mektebınde ötken ekosaǧatqa qatysyp, joǧary synyp oquşylaryna arnaiy därıs oqydy. Därısten soŋ mektep aulasyndaǧy «Jeŋımpazdar alleiasynda» jeŋımpaz sportşy balalarmen bırge köşet otyrǧyzdy.
QR Premer-ministrınıŋ orynbasary Berdıbek Saparbaev pen qala äkımı Altai Kölgınov robototehnika kabinetınde bolyp, robot ülgılerımen tanysty. Ä.Bökeihanov atyndaǧy muzeidı aralap, balalar tanystyrǧan qūndy mälımetterge qanyqty. QR Premer-ministrınıŋ orynbasary Berdıbek Saparbaev: «6 qazan künı bükıl dünie jüzınde halyqaralyq tırşılıktı qorǧau künı atalyp ötıledı, Qazaqstan ükımetı de elordamyz Nūr-Sūltan äkımdıgımen mektepterde ekosaǧatyn ötkızude. Ekosaǧaty elımızdıŋ 7000 mektebınde ūiymdastyrylyp, oǧan 3 mln-ǧa juyq oquşy qatysady» dei kelıp, barşany tabiǧatqa nemkettı qaramai, ony qorǧauda azamattyq tūrǧydan belsendı boluǧa ündedı.
«Ünemdılık üiden bastaluy tiıs, sondyqtan üiden şyqqanda jaryqty öşırıp, sudy tiımdı paidalanuǧa üirenu kerek, qoqysty qalai bolsa solai tastamau qajet. Qalanyŋ tazalyǧy onyŋ tūrǧyndarynyŋ mädenietıne bailanysty» dep, oquşylardy qala tazalyǧyn saqtauǧa şaqyrdy. Tynyq mūhitta plastik bötelkelerdıŋ jinalǧan kölemınıŋ bır jarym mln gektarǧa jetkenın, būl üş Fransiianyŋ jer kölemı bolyp esepteletının, soŋǧy uaqytta qala äkımşılıgı, ekologiia ministrlıgı ūiymdastyrǧan tazalyq şaralarynyŋ nätijesınde özen-kölder jaǧasy tazartylǧanyn aitqan Berdıbek Mäşbekūly söz soŋynda mektep bıtırgelı otyrǧan oquşylarǧa Nūr-Sūltan qalasynyŋ äkımı Altai Seidırūlynyŋ «Bolaşaq» baǧdarlamasymen şetelge oquǧa tüsıp, elge qyzmet etıp jatqandyǧyn mysal ettı.
Qala äkımı Altai Kölgınov öz sözınde ekosaǧattyŋ mänı men maŋyzy zor bolǧandyqtan, būl şaraǧa 17 ministrdıŋ atsalysqanyn keltırdı. «Qala degenımız – ortaq üiımız. Osy jazda Prezidentımız Qasym-Jomart Kemelūly ekochellendjdı bastady. Jastar belsendılık tanytyp, qalanyŋ ainalasyndaǧy özen-kölderdı tazalauǧa qatysty, sonda körgenımız – su qoimalarynyŋ ainalasy qoqysqa tolǧan, ony basqa planetadan kelıp lastaǧan joq, basqa oblystyŋ adamdary äkelıp tökken joq, sız ben bız lastadyq, demalysty jaqsy köremız, bıraq artynan jinamaimyz. Jaqynda Şvesiianyŋ kışkentai qyzy ülkenderge: «Sızder bızge qandai planetany berıp jatyrsyzdar?» dep ūrysty. Ekologiia – älemdık trend. Elbasymyz N.Nazarbaev elordany osy jerge köşırgen kezde bastaǧan ülken jūmysy – jasyl beldeu bolatyn. Qazır Nūr-Sūltan qalasynyŋ ainalasy ormanǧa ainaldy, Elbasy özı qadaǧalap otyrdy. 90 myŋ gektar jerge aǧaş egılıp, ol Burabai jaqtaǧy ormanmen qosyldy, eŋbekpen kelgen orman – bızdıŋ tynys alatyn ökpemız» dep tabiǧatty qorǧau bükıl tırşılıktı qorǧau ekenın tüsındırdı. «Erteŋ memlekettı basqaratyn sızder, sızder mädeniettı, parasatty jastar bolsaŋyzdar, qorşaǧan ortaǧa degen közqaras ta özgeredı» dep, oquşylardy qalada ūiymdastyrylatyn igı şaralardan qalys qalmauǧa şaqyrdy.
Jadyra ŞAMŪRATOVA
