Prezident Nūrsūltan Nazarbaevtyŋ «Nūr Otan» partiiasynyŋ 18-sezınde köpbalaly jäne tūrmysy tömen otbasylarǧa barynşa äleumettık kömek körsetu jönındegı tapsyrmasyna orai Astana qalasy mäslihatynyŋ kezekten tys 45-sessiiasy ötıp, kün tärtıbınde tūrǧyn üi, äleumettık salalaryna qatysty 12 mäsele qaralyp, bırqatar qūjatqa özgertu men tolyqtyrular engızıldı.
Strategiialyq jäne biudjettık josparlau basqarmasynyŋ basşysy Rasul Orazǧūlov Astana qalasynyŋ 2019-2021 jyldarǧa arnalǧan biudjetı turaly jäne memlekettık-jekemenşık ärıptestık jobalarynyŋ tızbesı jaily baiandady. Onyŋ mälımetınşe, Baiqoŋyr audanyndaǧy abattandyru jūmystaryna qala qazynasynan qosymşa 134 mln teŋge bölınse, sonymen qatar aldyŋǧy qarjydan bölek Almaty audanyna 94, Saryarqa audanyna 50 mln teŋge qarastyrylǧan.
Memleket basşysynyŋ partiia sezınde söilegen sözın alǧa tartyp, ötken jyly elorda boiynşa memlekettık satyp aluǧa bölıngen qarjynyŋ 30 paiyzy ǧana ärtürlı käsıporynǧa audarylǧanyn, qalǧan 70 paiyz qarajattyŋ tek bır kompaniianyŋ esep-şotyna joldanǧanyn aitqan deputat Aqylbek Kürışbaev baiandamaşydan osynyŋ sebebın tüsındıruın sūrady. Būl sūraqqa qala äkımınıŋ orynbasary Asqar Amrin bylai dep jauap berdı:
– Byltyrǧa deiın Memlekettık satyp alu jönındegı zaŋda memlekettık mekemelerdıŋ bır ǧana käsıporynmen jūmys jürgızuıne mümkındık berılıp kelgen. Bıraq qazır oǧan özgerıs pen tolyqtyrular engızıldı. Endı oǧan jol berılmeidı. Būl mäsele bızdıŋ jıtı baqylauymyzda bolady.
Kezegı kelgende mümkındıgı şekteulı balalardy üide oqytuǧa jūmsaǧan şyǧyndaryn öndırıp alu tärtıbı men mölşerı turaly şeşımge özgerıs pen tolyqtyrular engızu jaily baiandaǧan Jūmyspen qamtu jäne äleumettık qorǧau basqarmasy basşysynyŋ orynbasary Artem Äbıldinov Keŋes Odaǧy äskerınıŋ Auǧanstannan şyǧaryluyna 30 jyl toluyna orai, elordalyq mūqtaj azamattardyŋ jekelegen sanattaryna äleumettık kömek körsetıletının mälımdedı.
– Mümkındıgı şekteulı balalardy üide oqytuǧa ötınış beru tärtıbıne özgerıs engızıldı. Qazırgı uaqytta elektrondy ükımet arqyly ötınış beruge bolady. Sondai-aq äleumettık kömek körsetu maqsatynda toqsan saiyn tölenetın atauly kömektıŋ kölemı 6,5 AEK-ten 10 AEK-ke ūlǧaitu ūsynyldy. Soǧan orai üide oqytylatyn 228 mügedek balany tolyq qamtu üşın biudjet esebın 80 million teŋgege ūlǧaitudy sūraimyz, – dedı A.Äbıldinov.
Sondai-aq Qūrylys jäne tūrǧyn üi saiasaty basqarmasynyŋ basşysy Ruslan Ahmetov memlekettık qajettılıkter üşın 388,6 million teŋgenıŋ somasyndaǧy audany 5,7 gektardy qūraityn 88 jer uchaskesın satyp alu jönındegı şartty jobasyn ūsyndy. Al äleumettık kömek körsetu, onyŋ mölşerın belgıleu jäne mūqtaj azamattardyŋ jekelegen sanattarynyŋ tızbesın aiqyndau erejesıne qatysty ol:
– Erejege säikes, äleumettık tūrǧyn üi kömegın aluşylardyŋ sanatyna arnauly äleumettık qyzmet körsetuge qatysatyn ūiymdarynyŋ qyzmetkerlerın qosudy ūsynamyz. Sebebı būl sanattaǧylardyŋ eŋbekaqylary tömen. Olardyŋ ortaşa jalaqysy 70 myŋ teŋgenı qūraidy. Bügınde mūndai qyzmettegıler sany 1260 bolsa, olardyŋ 482-sı – äleumettık kömekke mūqtajdar. Sondyqtan osy erejesıne özgertu men tolyqtyrular engızulerıŋızdı sūraimyz, – dedı.
Öz kezegınde Qoǧamdyq damu ısterı basqarmasynyŋ basşysy Daniiar Esin Jastar saraiynyŋ 2010 jyly örtenıp, künı bügınge deiın bos tūrǧan oŋ qanatyndaǧy bölıgıne jöndeu jūmystary jürgızılıp, būl jer jastar habyna ainalatynyn, iaǧni onda türlı ortalyqtardyŋ qūrylymdary ornalasatynyn atap öttı.
