Qalalyq mäslihattyŋ tūraqty komissiiasy otyrysynda «Astana bas jospary ǧylymi-zertteu instituty» JŞS direktorynyŋ orynbasary A.Pirojkov qala qūrylysy reglamentın bekıtu turaly jergılıktı sailanbaly organ şeşımıne özgertuler men tolyqtyrular engızu turaly ūsynysty jetkızdı.
Qala aumaǧynyŋ 20 paiyzyn köşeler alyp jatyr. Barlyq älemde köşeler audandardy bır-bırıne jalǧap tūru qyzmetın atqarady. Söitıp köşelerdıŋ kelbetı qala qūrylymyndaǧy barlyq elementterdıŋ ışınde basty qoǧamdyq keŋıstıkterdı qūraidy.
Baiandamaşynyŋ aituynşa, qazırgı zamanǧy qala salu standartynda köşe qozǧalysy men abattandyru aumaqtary bırızdı standarttarǧa süienıp jobalanady. Abattandyru elementterı men köşe keŋıstıgın standarttau talaptary qala aumaǧynyŋ jäne köşe-jol torabynyŋ jıkteluıne säikes qalyptastyryluy kerek.
Bıraq qala salu kezınde joǧaryda aitylǧan talaptar tolyq saqtalmaǧan. Kölık pen jaiau jürgınşılerge arnalǧan qozǧalys baǧyttary aiqyn bölınbegen. Keibır nysandardyŋ sätsız ornalasuy saldarynan trotuarlardyŋ kei tūstary tym jıŋışkerıp ketken, ol jaiau adamdardyŋ jürıp-tūruyna qolaisyzdyq keltıredı, tıptı ömırlerıne qauıp töndıruı de mümkın. Sondai-aq avtosüigışter kölıkterın trotuarlarǧa ışkerlei qoiyp ketetını taǧy bar, būl da jaiau qozǧalysqa kedergı keltıredı.
– Qaladaǧy keibır ǧimarattar men qūrylystardyŋ qasbetterı tozǧan. Kışı säulet nysandary, dizain elementterı jetkılıksız. Olardyŋ stilderınde bırkelkılık joq. Qaisybır nysandar käsıbi tūrǧydan qolapaisyz oryndalǧan, – dedı A.Pirojkov.
Şeteldıŋ täjıribesıne süiensek, köşelerdı jobalaǧanda kelesıdei jaittar eskerıluı tiıs: qozǧalys bölıgı, jaiau jürgınşılerge arnalǧan trotuar, velosiped soqpaqtary, kölık aialdamalary, köşe jihazdary, navigasiia elementterı, jaiau jürgınşılerge arnalǧan ötpeler, köşelerdıŋ abattandyrulary, köşe jäne säulet nysandarynyŋ jaryqtandyrulary, jasyl jelekter, köşe keŋıstıgın abattandyru kezındegı landşaft dizaindary. Baiandamaşy özderı ūsynyp otyrǧan jobada osy talaptardyŋ barlyǧy eskerılgenın jetkızdı.
Ūqsas jaŋalyqtar
Leave a Reply