Astana qalasynyŋ Memlekettık mūraǧatyndaǧy qūjattardy elektrondy nūsqaǧa köşıru körsetkışı 1 paiyzdy ǧana qūraidy. Onyŋ sebebı mekemedegı skaner eskırgen. Barlyq qūjattardy qamtuǧa būl tehnikanyŋ şamasy kelmeidı. Jalpy mūraǧatta qūjattardy saqtau, paidalanu, ştatqa bailanysty bırqatar tüitkılder bar. Keşe qalalyq mäslihat deputattary şahardyŋ mūraǧaty men oǧan qarasty Almaty jäne Esıl audandarynyŋ bölımşelerın aralau barysynda atalmyş tüitkıldermen tanysty.
Qalalyq mūraǧat direktory Arysbek Kökbastyŋ mälımdeuınşe, qūjattardy elektrondy nūsqaǧa köşırudı jyldamdatu üşın mekemege zamanaui ülgıdegı jaŋa skaner kerek. «Jaqynda Petropavlǧa baryp keldım. Sondaǧy mūraǧat özderıne jaqsy skaner satyp alǧan. Bız 26 million teŋge tūratyn skanerdı alamyz dep josparlap qoidyq. Būl skaner qūjattardy jyldam köşıredı. Säikes tapsyrysty ötkızıp qoidyq. Bıraq älı naqty şeşım şyqpai jatyr» deidı mūraǧat basşysy.
Onyŋ aituynşa, elımızde qūjattardy elektrondy nūsqaǧa köşıruden 3-4 skanerı bar Qyzylorda qalasynyŋ mūraǧaty alda kele jatyr. Būl mekeme qūjattardyŋ 50 paiyzyn köşırıp ülgergen.
Astanalyq mūraǧat qory da tolyp ketken. Sol sebepten memlekettık mekemelerden qūjattardy qabyldau toqtatyldy. Tek qana jūmysyn toqtatqan mekemelerdıŋ qūjattary ǧana qabyldanyp jatyr. Sonyŋ özınde qūjattar tyǧyz ornalasqan. Olar saqtalatyn söreler de eskı. Osy tūrǧydan mäslihat deputaty Mäjit Şaidarov zamanǧa sai keletın jyljytylatyn sörelerdı satyp alu tiımdı bolatyny, mūndai söreler oryndy da keŋeitetını jaily pıkırın jetkızdı.
Jalpy qalalyq mūraǧatqa audandardyŋ qūjattaryn bır jerde saqtaityn ǧimarat qajet. Bügınderı mekemenıŋ bas ǧimaratynda Saryarqa audanyna tiesılı qūjattar ǧana saqtauly. Almaty men Esıl audandarynyŋ bölımşelerı Prigorodnyi tūrǧyn alabynda ornalasqan. Al jaŋadan aşylǧan Baiqoŋyr audany bölımşesıne J.Näjımedenov köşesındegı 10/2 üidıŋ bırınşı qabatynan oryn berılgen.
Prigorodnyidaǧy bölımşe ortalyq jylu jüiesıne qosylmaǧan. Avtonomdy jüie tötenşe jaǧdaiǧa alyp keluı mümkın. Bölımşege barǧan deputattar osy jaǧyna da nazar salyp, ortalyq jyluǧa qosylu kerektıgı turaly pıkır bıldırdı. Mūraǧat mäselesı bügın qalalyq mäslihattyŋ zaŋdylyq, qūqyqtyq tärtıp jäne qoǧammen jūmys jönındegı komissiia otyrysynda qaralady. Būl jaily gazetımızdıŋ kelesı sanynda tarqatyp jazatyn bolamyz.
