Astana äkımı qaladaǧy ekı audannyŋ jūmysymen tanysty.
Baiqoŋyr audanyna qarasty «Jastar» möltekaudanynda no-hau engızılgen «aqyldy» jobalar köp. Sonyŋ bırı Baraev köşesındegı №12 üide smartfon arqyly kıreberıste ne bolyp jatqanyn onlain köruge bolady. Keibır üilerge päterge qoŋyrau şalatyn jüiesı bar şlagbaum ornatylǧan. 12 jäne 14-şı üilerde «Vaviot Aziia» JŞS investorlary qaitarymsyz negızde ornatqan radiomoduldık su, gaz, elektrjabdyqtau eseptegışı jūmys ısteidı. Şara kezınde Baqyt Sūltanov «Astana Clean Time» mekemesınıŋ qaldyqtardy bölek jinaityn jobasynyŋ konsepsiiasymen de tanysty. Jaŋadan aşylǧan «Baiqoŋyr» aula kluby men «Workout» köşe alaŋyn körgennen keiın, Alaş köşesındegı Ortalyq bazardyŋ qūrylysy men qaita jöndeu jūmystaryna nazar audardy. Aita keteiık, 2017 jyldyŋ mamyrynda bastalǧan qūrylys nysany 2023 jyly paidalanuǧa berıledı.
Al Almaty audanyn aralau barysynda Baqyt Sūltanov «Alma» skverınıŋ qūrylysyn jäne «Skazochnyi mir» tūrǧyn üi keşenı aulasyndaǧy abattandyru jūmystaryn tekserdı.
«Saiabaqqa baru üşın adamdar qalanyŋ ortalyǧyna kelıp äure bolmauy tiıs. Gülzarlar, aula klubtary, köşe trenajerlerı attam jerde qoljetımdı, tūrǧyndarǧa yŋǧaily boluy kerek. Astanada kez kelgen audanda ömır süru jaily boluy tiıs» dedı ol.
