QALADAǦY QAUIPSIZDIK QYRAǦY QADAǦALANDY
Memlekettık maŋyzdy şaralar men merekeler kezınde Astana qalasynyŋ poliseilerı küşeitılgen rejimde jūmys ısteitını belgılı. Biylǧy Nauryz meiramynda, sonymen qatar, sailau kezınde de qūqyq qorǧauşylar elordanyŋ qauıpsızdıgı men tynyştyǧyn kırpık qaqpai küzettı.
Qoǧamdyq oryndar men qala köşelerındegı qūqyq būzuşylyq pen ūsaq būzaqylyqtyŋ aldyn alu üşın elordada 16 nauryzdan bastap «Qūqyq tärtıbı» atty jedel ūiymdastyryldy. Oǧan 2 myŋ polisiia qyzmetkerı tartyldy. Olardyŋ qatarynda QR Ūlttyq gvardiiasy da bar.
Qūqyq qorǧauşylar köpqabatty üilerdıŋ aulalaryn qarauyldap, tūrǧyndardyŋ tynyştyǧy üşın kündız-tünı jūmys ıstedı. Sondai-aq, adam aiaǧy köp jüretın oryndar men ǧimarattardyŋ maŋaiy da arnaiy baqylauǧa alyndy.
Poliseilerdıŋ täulık boiǧy eŋbegı eş ketken joq. Olar 66 qylmystyŋ ızın suytpai aşty. Qolǧa tüskenderdıŋ 8-ı būryn ıstı bolǧandar bolsa, 12-sı ızdeudegı qylmyskerler bolyp şyqqan. Sondai-aq, 4 adam esırtkı zattaryn zaŋsyz saqtaǧany üşın ūstaldy.
Jalpy «Qūqyq tärtıbı» jedel-aldyn alu şarasy barysynda elordalyq poliseiler barlyǧy 5 myŋ äkımşılık qūqyq būzuşylyqty anyqtaǧan. Onyŋ 800-ı mas küiınde qoǧamdyq oryndarda jürgenı üşın ūstalsa, 470 derek qorşaǧan ortaǧa ziian keltırgenge bailanysty bolǧan. Al 225-ı ūsaq tärtıpsızdıkke qatysty örbıgen. Al tüngı mezgılde jalǧyz özderı jürgen 30 jetkınşek ūstalǧan.
Jol jüru erejesın saqtamaǧandar da poliseilerdıŋ qūryǧyna ılındı. Astana qalasy Işkı ıster departamentı Jergılıktı polisiia qyzmetınıŋ inspektory Läzzat Bisembaevanyŋ mälımetı boiynşa, 270 jürgızuşı jyldamdyqty şekten tys asyrǧany üşın ūstalsa, 450-ı qauıpsızdık beldıgın taqpaǧany üşın jauapkerşılıkke tartyldy. Sondai-aq, 370 jürgızuşı kölık basqaru kezınde telefonmen söileskenı üşın, 19-y maşinany mas küiınde aidaǧany üşın ūstaldy.
Qymbat TOQTAMŪRAT