Otbasy künı men aldaǧy balalardy qorǧau künıne orai Astanadaǧy qalalyq alaŋda halyqtyŋ äleumettık osal toptary men ömırlık qiyn jaǧdaiǧa tap bolǧan azamattar üşın «Otbasy – baqyt mekenım» atty merekelık ıs-şara ötkızıldı, dep habarlaidy astana-akshamy.kz
Astana qalasy äkımdıgınıŋ «Janūia otbasy institutyn qoldau ortalyǧy» KMM ūiymdastyrǧan ıs-şaraǧa mügedek balalardy tärbielep otyrǧan analar, ortalyqtyŋ süiemeldeuındegı az qamtylǧan otbasylar qatysty.
«Janūia» otbasy institutyn qoldau ortalyǧynyŋ Ūiymdastyru jūmystary bölımınıŋ basşysy Zülfiia Säduaqasova ıs-şaranyŋ basty maqsaty quanyşty, merekelık jäne meiırımdı atmosfera qūru ekenın aitty.
«Bız ıs-şaraǧa qatysuşylardyŋ merekege belsendı qatysuǧa degen ūmtylysyn oiatuǧa tyrystyq, öitkenı konserttık baǧdarlamadan basqa, olar üşın animatorlarmen oiyn-sauyq, toqu boiynşa şeberlık sabaq, sondai-aq tättı taǧamdar daiyndadyq. Bızdıŋ auditoriia – köp balaly otbasylar, ömırlık qiyn jaǧdaiǧa tap bolǧan adamdar. Bügıngı ıs-şaraǧa olar tıkelei qatysty, konserttık baǧdarlamada eresekter de, balalar da öner körsettı, osylaişa, özderınıŋ şyǧarmaşylyq äleuetın aşty. Bızdıŋ ortalyqtan basqa, ıs-şarany ūiymdastyruǧa Astananyŋ äielder ısterı jäne otbasylyq-demografiialyq saiasat jönındegı komissiiasy qatysty. Bızdı Saryarqa audanynyŋ äkımdıgı men toqu boiynşa şeberlık sabaǧyn ūiymdastyrǧan «Şeberlık joly» QQ qoldady», – dedı Zülfiia Säduaqasova.
Mügedek balany tärbielep otyrǧan köp balaly ana Jazira Orynbaeva «Janūia» otbasy institutyn qoldau ortalyǧynda psihologiialyq jäne zaŋgerlık keŋes alatynyn aitty.
«Sondai-aq men äleumettık qorǧau, balabaqşaǧa kezekke tūru, baspana alu mäselelerı boiynşa tegın keŋes alamyn. Bızge azyq-tülık jäne keŋse tauarlary türınde demeuşılık kömek körsetıledı. Ortalyqta ärtürlı merekelerge konsertter men basqa da ıs-şaralar ūiymdastyrylady, olarǧa bız de qatysamyz. Bügın menıŋ qyzdarym öner körsettı, olar ändı oryndady jäne biledı, sol üşın syilyqtar aldy. Men Ortalyqtyŋ qyzmetkerlerıne alǧysymdy bıldıremın, olar ärdaiym kezdesıp, qoiylǧan barlyq sūraqtarǧa sauatty jäne dūrys jauap berıp, qalai äreket etu kerektıgın aitady», – dedı köpbalaly ana.
