«QALAMGERLER» ALLEIаSY

Nūr-Sūltan qalasynyŋ Tılderdı damytu jäne mūraǧat ısı basqarmasy basşysy T.Qyşqaşbaev saia­baqqa atau berudıŋ maŋyzdylyǧyna toqtaldy. «Biyl 4-6 qyrküiekte Nūr-Sūltan qalasynda Aziia elderı qalamgerlerınıŋ forumy ötedı, şaraǧa älemnıŋ tükpır-tükpırınen 100-ge juyq delegat kelmekşı, onyŋ ışınde Nobel syilyǧynyŋ iegerlerı, älem ädebietıne özındık üles qosqan qalamgerler bolady. Osyǧan bailanysty QR Memleket hatşysy M.Täjinnıŋ 2019 jylǧy 7 mausymdaǧy ökımımen arnaiy respublikalyq ıs-şaralar josparymen bekıtılgen hat jıberılıp, müddelı qūrylymdarmen aqyldasa kele, «Qalamgerler» alleiasy atauyn beru turaly ūsynysqa toqtaldyq. Mūny Jazuşylar odaǧy da, ziialy qauym da bırauyzdan qoldap otyr» dedı basqarma basşysy.
Saiabaq Abai eskertkışıne, Abai daŋǧylyna, Säken mūrajaiyna, Jastar saraiy men Q.Quanyş­baev teatryna jaqyn ornalasqan, halyq eŋ jiı jüretın oryndardyŋ bırı. Sondyqtan da qoldanystaǧy zaŋnamaǧa jäne onyŋ talaptaryna säikes, 2019 jylǧy 24 şıldede qalalyq onomastikalyq komissiia otyrysynda būl mäsele qaralyp, oŋ şeşımın tapqan. Kelesı baiandamaşy Qazaqstan Jazuşylar odaǧy Nūr-Sūltan qalasy filia­lynyŋ direktory Däuletkerei Käpūly qatysuşylardan osy bastamany qoldaudy sūrady. Atalǧan ūsynys boiynşa dauys berıldı, dauys beru qorytyndysy Nūr-Sūltan qalasy mäslihatynyŋ köpşılık tyŋdaular hattamasy türınde qabyldanyp, Nūr-Sūltan qalasy äkımdıgınıŋ internet-resursynda jäne būqaralyq aqparat qūraldarynda jariialanatyn boldy.