Jeltoqsan aiy tuysymen bas qalada qauyrt qarbalas bastalady. Audandar qalany qardan tazartumen qatar, qysqy bezendıru jūmysyna da belsene kırısedı. Täuelsızdık merekesı men jaŋa jyl keşterıne arnalǧan ärtürlı äsemdık äşekeiler jasalyp, elordany erekşe äsemdıkke böleidı. Ol qala tūrǧyndaryna tamaşa merekelık köŋıl-küi syilaidy. Mıne, osy aituly nauqanǧa tek audan äkımdıkterı ǧana emes, investorlar da atsalysady.
– Astananyŋ qysy ūzaq ekenı aitpasa da belgılı, sondyqtan būl uaqytty barynşa tiımdı paidalanu kerek. Mıne, osy maqsatta Esıl audanynda qysqy merekelık şaralardy köptep ötkızu dästürge ainalǧan. «ESIL WINTER» festivalı aiasynda bız tūrǧyndardyŋ köŋıl köteruıne qolaily jaǧdai jasap qana qoimai, sauda-sattyqpen ainalysatyn azamattarǧa da tiımdılık jasauǧa tyrysamyz. Sondai-aq halyqaralyq täjıribenı zerdelep, qalanyŋ qysqy saiahat ısterın örkendetuge tiımdı täsılderdı de paidalanamyz. Al investorlar bolsa, qala uchaskelerıne öz şyrşalaryn ötkızudıŋ ūtymdy ädısterın ūsynyp, syrǧanaq, şaŋǧy alaŋdaryn aşyp, özderı ekonomikalyq jaqtan tabys tabumen qatar, audanymyzdyŋ qysqy köŋıl köteru ısterıne de atsalysady. Sol üşın olarǧa ülken rahmet, – dedı audan äkımı Berık Jakenov.
Biyl Esıl audanynda qysqy köŋıl köteruge arnalǧan 11 ortalyq aşyldy. Onyŋ basym bölıgı demeuşıler esebınen ūiymdastyrylady. Mäselen, «QazTransGaz» kompaniiasynyŋ qoldauymen Esıl özenınıŋ jaǧalauyndaǧy saiabaqta jaŋa jyldyq äşekeiler men 23 metrlık şyrşa ornatyldy. Sondai-aq «Samūryq-Qazyna» AQ ökılderı «Zelenyi kvartal» köppäterlı tūrǧyn üi keşenınıŋ tūrǧyndary üşın jaŋajyldyq şyrşa ornatty. Köp ūzamai būl uchaskelerde mūz alaŋy paidalanuǧa berıledı.
Biyl qysqy oiyn-sauyq oryndarynyŋ bırı retınde elordanyŋ Ortalyq parkın atauǧa bolady. Mūnda jaqyn arada şaŋǧy alaŋy, syrǧanaq orny, kerling syndy oiyn alaŋdary ıske qosylady. Sonymen qatar, saiabaqta festivalder, körmeler ūiymdastyru da josparlanyp otyr. Şarany ūiymdastyruǧa mädeni ortalyqtar, teatrlar, filarmoniia, instruktorlar, animatorlar jūmyldyrylady.
Aita keteiık, qala tūrǧyndary tömendegı oryndarǧa baryp, qys qyzyǧyn sezınıp, köŋıl köteruıne bolady.
– EHRO-2017 alaŋy;
– Esıl özenı jaǧalauy boiyndaǧy saiabaq;
– «Keruen» SOO;
– «Han Şatyr» SOO;
– «Zelenyi kvartal» TK;
– «Jaǧalau» TK;
– «Ürker» tūrǧyn alaby;
– «Prigorodnyi» tūrǧyn alaby;
– Botanikalyq baq;
– «Jetısu» saiabaǧy;
– «Ailand» otbasylyq demalys ortalyǧy.
