TALAPQA SAI QYZMET
Auyl balasyna bärı taŋsyq. Alǧaş Aqmolaǧa taban tırep, poiyzdan tüskende aldymen temırjol vokzalyn körıp, auzym aşylyp qaldy. Būryn mūndai ǧimarat körgen joq edım. Eŋselı, tūrqy men tūrpaty bölek. Işı-syrty ainadai jaltyrap jatyr. Yǧy-jyǧy adam. Kölemı bızdıŋ Arqalyqtyŋ vokzalyn on orap alady. Qūddy bır Ankaraǧa kelgendei küi keştım. Būl 1995 jyldyŋ şıldesı edı. Däm jazyp, oquǧa da tüstım. Aqmoladaǧy (ol kezde solai atalatyn) bıldei bır oqu ordasynyŋ studentı atandym. Qyzyǧy men şyjyǧy mol künder bastaldy. Sonda da auyldy aŋsap, qalany bötensıp jürdım. Sondai şaqtarda vokzalǧa baryp, auylǧa degen saǧynyşymdy basyp qaitatynmyn.
Odan berı de qanşama jyldar öttı. Sonda da osy bır qūtty oryn maǧan qatty ystyq körınedı.
Elordaǧa kelgen adam aldymen vokzalǧa at basyn tıreidı. Sondyqtan, bırınşı kezekte ǧimarattyŋ ışkı-syrtqy sipaty, aumaǧynyŋ körıktılıgı, jolauşylarǧa qyzmet körsetu deŋgeiı men avtokölıkterdıŋ tärtıptı jürıp-tūruynyŋ özı bas qalaǧa tän ülken mädeniettılıktı ülgı etedı.
Bügıngı taŋda Astana vokzaly jolauşylarǧa halyqaralyq deŋgeide qyzmet körsetedı. Uaqyt talabyna sai elektrondyq kassa zaly jūmys ısteidı. Vokzalda bırneşe körsetkış tablolar ornatylǧan, ekrannan jaŋa beinematerialdardy köruge bolady, sondai-aq, kün men ai, jyl, uaqytty körsetetın, aua raiynan maǧlūmat beretın tablolar ärtürlı tüste körsetıledı. Qysqasy, jolauşylarǧa barlyq jaidan aqparat berıp tūrady. Jolauşylarǧa arnalǧan joǧary talapty biznes-klass därejesındegı VIP-zal bar. Ǧimarat internet jüiesıne qosylǧan. Vokzalda ekspress poşta ıske qosylǧan. Būryn eldegı jaqyn tuysqanǧa hat nemese zat jıberu üşın jolserıktı jaǧalaityn edık. Endı kez kelgen dünienı ekspress poşta arqyly jıberuge mümkındık tuǧan. Qyzmetı de qarapaiym. Arnaiy tarif boiynşa poştany jöneltu baǧasyn töleseŋız boldy, konvert der kezınde aluşynyŋ qolyna tiedı. Sondai-aq, būl poştamen auyr jükterdı de jıberuge bolady. Ol üşın arnaiy agentter jūmys ısteidı. Dispetcher arqyly habarlassaŋyz, agentter üiıŋızge baryp, barlyq zattaryŋyzdy qabyldap alyp, vagonga tiep jıberedı. Ol jükter qoldy bolmau üşın saqtandyru jüiesı ıske qosylǧan.
– Astana vokzalyn halyqaralyq standarttarǧa säikestendıru üşın aitarlyqtai jūmystar atqaryldy. Servistık qyzmettıŋ deŋgeiı östı. Zamanaui qūraldarmen jabdyqtaldy. Jolauşylar poiyzynyŋ sany östı. Bügıngı künde bızdıŋ vokzal arqyly 95 jolauşylar poiyzy ötedı. Onyŋ ışınde halyqaralyq, aimaqtar arasynda jüretınderı bar. Qala maŋynda jüretın poiyzdar da solardyŋ qataryna kıredı. Täulıgıne 20-25 poiyzdy kütıp alyp, şyǧaryp salamyz. Bızdıŋ mamandar auysymmen jūmys ısteidı. Bır täulıkte 20 maman qyzmet körsetedı. Vokzalda qonaq üi, ana men balaǧa arnalǧan bölme esıgı qaşanda aşyq. Tranzittık jolauşylar kelesı poiyzy kelgenşe, sol bölmege baryp balasymen demaluǧa bolady. Mügedekterge arnalǧan aqysyz bölme esıgı qaşanda aşyq. Odan bölek, arnaiy medpunkt, polisiia bölımşesı jūmys ısteidı. Äskerilendırılgen temırjol küzetı qyzmetkerlerı tärtıptı qadaǧalaidy. Bilet satatyn kassalar da uaqyt talabyna sai jaŋartylǧan. Aita berse, jaqsylyqtar köp. Men özım osy salaǧa 23 jasymda keldım. Sodan berı 38 jyl öttı. Barlyq ǧūmyrym elorda vokzalymen tyǧyz bailanysty. Sondyqtan, būl men üşın qūtty oryn, – deidı Astana vokzaly basşysynyŋ orynbasary Orynbasar Yntyqbaeva.
KEZEKŞILER MINDETI – QYRAǦYLYQ
Bız vokzalǧa kelgende aqşam uaqyty bolǧanmen, iın tıresken adamnan aiaq alyp jüru mümkın emes. Äupırımdep, ǧimarattyŋ ekınşı qabatyndaǧy tranzittık zalǧa köterıldık. Onda 300-dei adam ornalasqan. Şaǧyn düŋgırşekter jūmys ısteidı. Ǧimarattyŋ kez kelgen nüktesınde kezekşıler jür. Mümkındıgı şekteulı jandarǧa arnalǧan 4 qolarba men arnaiy 2 lift qosylǧan. Būl jūmystardy osyndaǧy vokzal kezekşılerı atqarady. Vokzaldaǧy barlyq 10 eskalator tügel jūmys ısteidı, olar tūryp qalǧan jaǧdaida mamandar dereu ıske qosyp otyrady. Är eskalatordy kezekşıler qadaǧalaidy.
– Bızdıŋ jūmysymyz taŋǧy 8.30-da bastalady. Aldymen lezdeme bolady. Sodan keiın är kezekşı öz qyzmetın qabyldap alady. Bır auysymǧa 11 qyzmetker şyǧamyz. Men özım poiyzdardy kütıp alyp, şyǧaryp salamyn. Poiyzdan keşıgıp qalǧan jolauşylar bolsa, olarǧa kömek körsetemız. Är kezekşı öz mındetın mūqiiat atqaruy qajet. Temırjol boiyndaǧy qauıpsızdıktı qadaǧalaimyz. Jolauşylar ötkelge şyǧyp ketpeuı kerek. Sondyqtan, kezekşı aldymen qyraǧy boluy qajet, – deidı vokzal kezekşısı Roza Qalihanqyzy.
Ǧimarattyŋ är būryşyna beinebaqylau qondyrǧysy ornatylǧan. Ol qyzmetkerler üşın de, jolauşylar üşın de öte tiımdı. Bır keleŋsız jaǧdai bolǧanda soǧan jügınedı. Vokzaldyŋ barlyq beinesı bır operatordyŋ köz aldynda tūrady. Ǧimaratta bır jaǧdai oryn alǧanda operator tärtıp saqşylary men kezekşılerge baiandaidy.
Vokzaldaǧy anyqtama beru mamandarynyŋ qyzmetı de auqymdy. Bız osy salada on jyldan asa jemıstı jūmys ıstep kele jatqan Läzzat İmanǧalievany sözge tarttyq.
– Bır qaraǧanda, bızdıŋ jūmys oŋai körınuı mümkın. Negızı, jolauşylarmen jūmys ısteu jeŋıl emes. Är adamnyŋ türlı mınezı bar. Äsırese, ülken kısıler köp mazalaidy. Künıne şamamen 1000-ǧa juyq adamǧa qyzmet körsetemın. Üige barǧanda söileuge şamam kelmeidı. Tynyştyqty qalap tūramyn. Keide jolauşylar alǧys aityp jatqanda, barlyq şarşaǧanym ūmytylyp ketedı, – dep aǧynan jaryla jauap berdı ol.
DİKTORDYŊ JAǦYMDY DAUYSY
Diktor degende köbınese oiymyzǧa aldymen telearnada jūmys ısteitın ärıptesterımız keledı. Söitsek, vokzaldyŋ da dauysy äuezdı öz diktorlary bar. Bıraq, olarǧa qoiylatyn mındet öte jauapty. Üş tılde erkın söileu kerek. Mūqiiat, ūqypty bolu qajet.
– Osy qyzmettı 12 jyldan berı atqaryp kelemın. Öz mamandyǧymdy maqtan tūtamyn. Öte ūnaidy. Mındetımız: poiyzdardy qabyldap, olar qandai torapqa toqtaidy, qandai joldan jüredı… barlyǧyn jolauşylarǧa jetkızıp otyramyz. Üş tılde habarlap otyramyn. Bızdıŋ kabinetke böten adam kırmeidı. Jalǧyz otyramyz. Öitkenı, bögde şaruaǧa oiymyz bölınbeu kerek. Är minutymyz esepteulı. Astana vokzalynda 4 diktor jūmys ısteidı. Äsırese, tüngı uaqyttarda eptep şarşaimyz. Sondai kezderde mūqiiattylyq qajet. Qatelık degen kapelımde. Uaqyttan şatasyp ketpeu kerek. Bız üşın ärbır minut esepteulı, – deidı dauysy jaǧymdy diktor Nazgül Baibekova.
Qazırgı taŋda Astana vokzalynda türlı tölem jasaityn elektrondyq qūrylǧylar, aqşa aiyrbastau punktterı men medpunktter, därıhana, gazet-jurnal kioskılerı, tamaqtanu nüktelerı men jük-bagaj saqtau kameralary, sanitarlyq-tūrmystyq qajettılıkterdı öteitın barlyq qyzmet türlerı jūmys ısteidı. Tıptı, telefon, smartfon, noutbuk syndy aqparattyq-bailanys qūraldaryn da jalǧa beru qyzmetterı bar. Soŋǧy jyldary vokzaldaǧy köp özgerıster oryn alǧan. Sonyŋ barlyǧy jolauşylardyŋ jailylyǧy üşın ıske asyp jatqanyn körıp quandyq.
A. ESENJOL, astana-akshamy.kz
