Elordadaǧy abattandyrylǧan audandar men eldı mekenderdıŋ arasyndaǧy teŋsızdıktı joiu üşın jüielı jūmys jürgızılıp jatyr. Būl turaly Nūr-Sūltan qalasynyŋ äkımı Altai Kölgınov mälım ettı. Eldı mekenderdıŋ damu barysy turaly qala basşysy äleumettık jelıdegı paraqşasynda jazdy.
«Qalamyzdyŋ ärbır törtınşı tūrǧyny eldı mekenderde, iaǧni elordanyŋ şetkı aimaqtarynda tūrady. Abattandyrylǧan audandar men eldı mekender arasyndaǧy teŋsızdıktı joiu üşın jüielı jūmys jürıp jatyr. Tüitkıldı mäselelerdıŋ bırı – injenerlık jelıler. Qalanyŋ eldı mekenderınde 50 şaqyrym injenerlık jelı salyndy, onyŋ ışınde 11 şaqyrymy – kärız, 20,7 şaqyrymy – sumen jabdyqtau jelısı, al 3 şaqyrymnan astamy – nöser kärızı. Biyl taǧy 10 şaqyrym injenerlık jelınıŋ qūrylysyn aiaqtaimyz» dedı qala basşysy.
«Eldı mekenderdı jeke-jeke aralap, jergılıktı tūrǧyndarmen kezdesu ötkızemız. «Kirpichnyi» tūrǧyn alabynyŋ tūrǧyndarymen kezdestım. Osyǧan deiın qala tūrǧyndary oqu oryndaryna bailanysty, naqtyraq aitqanda, №12 mektep boiynşa mäsele kötergen bolatyn. Būl mektep osydan 60 jyl būryn salynǧan, qazır apatty jaǧdaida, al ışındegı qūrylymdary jaramsyz küide tūr. Onyŋ ǧimaratyn būzdyq, qazır ornyna jaŋa, jaily mektep salu jūmysy bastaldy. Mekteptı 2023 jyly salyp bıtırudı josparlap otyrmyz. Sol siiaqty jeke investor esebınen balabaqşanyŋ qūrylysy jürıp jatyr. Būdan bölek, Chehoev köşesındegı (Baiqoŋyr audany, Kirpichnyi eldı mekenı) apatty üilerdıŋ tūrǧyndarymen kezdestım. Ondaǧy üilerdıŋ bır bölıgın (baraqtar) 2024 jyly būzylatyn ǧimarattar tızımıne engızemız. Beinebaqylau kameralaryn ornatu, jol mäselesı, aula klubtary, abattandyru sekıldı türlı problemalar qozǧaldy. Būl mäselelerdı jüielı türde şeşudı qolǧa alamyz» dep sözın jalǧady A.Kölgınov.
Qala äkımınıŋ aituynşa, eldı mekender jekemenşık sektor bolǧandyqtan, 680 şaqyrym gaz taratu jelısı salyndy. Almaty jäne Saryarqa audandary gazben qamtamasyz etılgen. Al Baiqoŋyr jäne Esıl audandarynda jetkızuşı gaz qūbyryn (2023 jyly kvartalışılık jelıler) salu jūmysy jürıp jatyr.
Sondai-aq Altai Kölgınov soŋǧy jyldary eldı mekenderdıŋ özınde 250 köşe salynyp, jöndelgenın tılge tiek ettı. «Biyl taǧy 70 köşege asfalt töseimız, onyŋ negızgı bölıgı aiaqtaldy. Sol siiaqty 300-den astam aula men qoǧamdyq keŋıstık (saiabaqtar, gülzarlar, jelekjoldar) abattandyryldy, dene şynyqtyru-sauyqtyru keşenderı, bırqatar oqu oryndary salyndy. Memleket basşysy qalanyŋ şet aimaqtaryn damytuǧa erekşe köŋıl böledı. Bızdıŋ maqsatymyz – eldı mekenderge qajettı infraqūrylym jürgızıp, tūrǧyn üiler, äleumettık nysandar, demalys oryndaryn jäne taǧy basqalardy salu» dedı elorda äkımı.
