Qaraşanyŋ soŋynda qalyŋ tüsken qar qala tūrǧyndaryn bıraz äbıgerge salǧany ras. Kommunaldyq qyzmet öz jūmystaryna qyzu kırıskenımen, köşelerdı qardan tazalap şyǧuǧa tolyq ülgere almai kölık qana emes, jaiau jürgınşılerge de jürıp-tūruǧa qiyndyq keltırgen edı. Qar tazalauǧa belsene kırısken audandar jūmysşylar men tehnikalardy täulık boiy qar tazalauǧa jūmyldyryldy.
Esıl audany qar tazalauǧa 700 jol qyzmetkerı men 430-dan astam arnaiy tehnika jūmyldyryldy. Nätijesınde qar poligonyna 630-dan astam reis jasalyp, 12315 tekşe metrden artyq qar şyǧaryldy.
Qar tazalau jūmysyna deputattar da atsalysyp, jastarmen bırge saiabaqtar men gülzarlardy qardan tazalauǧa atsalysty. Olardyŋ arasynda Qazaqstan Respublikasy Parlamentı Mäjılısınıŋ deputaty Erlan Sairov pen Nūr-Sūltan qalasy äkımınıŋ keŋesşısı Qaraqat Äbden de bar.
– Qar – halyqtyŋ yrysy. Qardyŋ mol tüskenıne quanu kerek. Öitkenı qar köp tüsse, jazda quaŋşylyq bolmaidy. Al ony küreudıŋ özı adamǧa küş-jıger, talpynys beredı. Deneŋ şynyǧady, adamdarmen äŋgıme-düken qūrasyŋ. Sondyqtan barşaŋyzdy aulalaryŋyzǧa şyǧyp, qar tazalau jūmysyna atsalysyŋyzdar, – deidı Erlan Sairov.
