Q.Quanyşbaev atyndaǧy memlekettık akademiialyq qazaq muzykalyq drama teatrynyŋ HHVIII mausymy «Kabare jūldyzy» muzykalyq komediiasynyŋ premerasymen jabyldy. Spektakldı älemge äigılı Vengriia kompozitory İmre Kalmannyŋ «Silva» operettasy negızınde Qazaqstannyŋ eŋbek sıŋırgen qairatkerı Nūrlan Jūmaniiazov sahnalady. Qazaq tılıne audarǧan – Qazaqstannyŋ eŋbek sıŋırgen öner qairatkerı Esım Segızbaev. Muzykany öŋdegen – Qazaqstannyŋ halyq ärtısı Horlan Qalilambekova.
Atalmyş tuyndy alǧaş ret «Chardaş hanşaiymy» atauymen osydan bır ǧasyr būryn Vena qalasynda körermenge jol tartty. Odan keiın älemdı şarlap kettı. Şyǧarma jelısımen bırneşe märte körkem filmder tüsırıldı. Al Qalleki teatryn būl operetta nesımen qyzyqtyrdy? «Muzykalyq drama teatry bolǧandyqtan osyndai janrdaǧy şyǧarmalardy sahnalau – mındetımız. İogann Ştraustyŋ «Jarǧanat» operettasyn «Jūbailar jūmbaǧy» atauymen qoiǧanymyzda da jetı-segız jyl bolyp kettı. Sodan berı teatrda buyn almasu jürıp, jas akterler keldı. Solardyŋ mümkındıgın aşatyn muzykalyq şyǧarmany ızdedık. Bastysy orkestrımız bar, horymyz bar, basqa da qajettı mamandarymyz jetkılıktı. Sodan soŋ «Silvaǧa» toqtadyq. Būl älem moiyndaǧan, adamnyŋ jan düniesın tebırentetın, akterlık jäne änşılık şeberlıktı talap etetın tuyndy ǧoi. Osy tūrǧydan alǧanda, «Kabare jūldyzy» bır jaǧynan jas akterlerımızge synaq boldy. Ol synaqtan jastarymyz abyroimen öttı dep oilaimyn» deidı būl turaly N.Jūmaniiazov.
Kabare änşısı Silva (Gauhar Jüsıpova) jäne aqsüiekter tūqymynan şyqqan Edvin (Jasūlan Erbolat) arasyndaǧy mahabbattan syr şertetın tuyndyda ekeuınıŋ qosyluyna äleumettık teŋsızdık kedergı bolady. Edvinnıŋ äkesı Leopold (Dastan Älımov) ūlynyŋ qaidaǧy joq änşını jar etıp aluyna üzıldı-kesıldı qarsy. Ol balasyna Stassidı (Aişolpan Ybyraeva) qolai köredı. Bıraq Edvin mahabbatynan bas tartpaidy. Stassige bolsa graf Boni (Şah-Mūrat Ordabaev) ǧaşyq bolyp qalady. Kabare qyzmetkerı Ferri (Asylbek Qapaev) olarǧa osy sahnada baiaǧyda jarqyraǧan Chardaş hanşaiymy turaly äŋgıme aityp beredı. Söitse, ol – basqa eşkım emes Edvinnıŋ anasy Angilda (Qazaqstannyŋ eŋbek sıŋırgen qairatkerı Altynai Nögerbek). Leopold ol jaǧynan mülde habarsyz eken. Jary da kabare änşısı bolǧanyn bılgen ol Edvinge Silvamen qosyluǧa rūqsat beredı.
Osylaişa quanyşty notada aiaqtalatyn operettada teatr hormeisterı, Qazaqstannyŋ eŋbek sıŋırgen qairatkerı Amantai Jūmaşevtıŋ, horeograf Saltanat Jolymbaevanyŋ, konsertmeister Tatiana Razvinanyŋ, qoiuşy-suretşı – Qazaqstannyŋ mädeniet qairatkerı Qanat Maqsūtovtyŋ eŋbekterın atap ötu kerek.
Qalleki teatrynyŋ direktory Aibolat Seksenbaevtyŋ aituynşa, mausym jabylǧanymen, teatr ūjymy aldaǧy düisenbı künı elordada bastalatyn «Samǧau» VII halyqaralyq teatr festivalıne «Läilı-Mäjnün» spektaklımen qatysady. Odan keiın Orynbor qalasyna «Gostinnyi dvor» festivalıne «Otello» dramasymen attanady.
