Bügıngı taŋda memleket tarapynan mügedekter üşın köptegen baǧdarlamalar jasalyp, jūmystar jürıp jatyr. Jeke tūtynuşylyqty esepke alǧanda, mügedekter protezdı-ortopediialyq kömekpen, surdo, tiflotehnikalyq qūraldarmen, sanatorlyq-kurorttyq sauyǧumen, estu protezdeulerımen, kreslo-arbalarmen, mındettı gigienalyq qūraldarmen, ymdau tılımen qyzmet körsetetın mamandarmen qamtamasyz etıledı.
Biyl elımızde jaryq dünie esıgın aşqan säbilerdıŋ 11 paiyzy mügedek bolyp tuǧan. Ökınışke qarai, jyl ötken saiyn sondai balalardyŋ da sany köbeiıp keledı. Şyndyǧynda, olar oqşaulanǧan qoǧamdyq ömırge asa beiım emes. Mäselenıŋ būlai qalyptasuyna bügıngı qoǧamnyŋ da kınäsı bar. Öitkenı bız mümkındıgı şekteulı jandarǧa müsırkei qaraudan aryla almai kelemız. Jalpy bılım beretın orta mektepterde olardyŋ oqyp, bılım aluyna jaǧdai jasau endı-endı qolǧa alyna bastady. İnkliuzivtı bılım berudıŋ negızı – mekteptegı barlyq balaǧa olardyŋ erekşelıkterınen tys sapaly bılım beru.
Qazırgı kezde elordada 705 myŋǧa juyq mümkındıgı şekteulı jan bar. Mūqtaj adamdardy oŋaltu ortalyqtarymen qamtu 47 paiyzǧa deiın jettı.
Älemnıŋ damyǧan elderınde mügedek balalardy denı sau qūrbylastarymen qatar oqytyp, sol arqyly sauyqtyru ädısı bar. Sonymen qatar jeke oŋaltu baǧdarlamasy boiynşa erekşe kütımdı qajet etetın balalarǧa üide kütım jasau jaǧdaiynda arnaiy äleumettık qyzmetter körsetıledı.
Elımızde mügedek adamdardyŋ qūqyǧyn qamtamasyz etu jäne ömır süru sapasyn jaqsartu jönındegı 2025 jylǧa deiıngı ūlttyq jospar ıske asyryluda. Jalpy aǧymdaǧy jyly äleumettık tölemderge, oŋaltudyŋ tehnikalyq qūraldary men qyzmetterdı qamtamasyz etuge 448 mlrd teŋge baǧyttaldy, būl ötken jylmen salystyrǧanda 12 paiyzǧa artyq.
Oljabai TÖREBAEV, L.Gumilev atyndaǧy Euraziia ūlttyq
universitetınıŋ studentı
