Qanatqaqty konsert
![](https://astana-akshamy.kz/wp-content/uploads/2022/03/kontsert.jpg)
Elordada «Astana Ballet» simfoniialyq orkestrınıŋ debiuttık konsertı öttı. Konsertte bas dirijer Arman Orazǧalievtıŋ jetekşılıgımen 70 muzykant öner körsettı. Is-şaraǧa Mädeniet jäne sport ministrı Däuren Abaev qatysty.
«Bügın barlyq qazaqstandyqtardy qūttyqtaǧym keledı. Sebebı 12 jyl būryn däl osy künı muzykalyq mektepke 1000 oquşy barǧan edı. Endı solardyŋ ışındegı 70 muzykant sızderdıŋ aldaryŋyzda tarihi sätke kuä bolyp tūr. Ūjymǧa şyǧarmaşylyq tabys tıleimın! Jetıstıkter men jaqsy jaŋalyqtardyŋ kuäsı bola bereiık!» dedı Mädeniet jäne sport ministrı.
«L’ouverture» konsertınıŋ baǧdarlamasynda klassikalyq muzykanyŋ tanymal tuyndylary bar. Konserttıŋ bırınşı bölımınde E.Brusilovskiidıŋ «Dudarai» simfoniialyq poemasy, K.Sen-Saenstıŋ «Danse Macabre», N.Rimskii-Korsakovtyŋ «İspan kaprichchosy» tyŋdaldy. Ekınşı bölımde S.Rahmaninovtyŋ №3 fortepiano men orkestrge arnalǧan konsertı qoiyldy. Jeke partiiany Qazaqstan Respublikasynyŋ eŋbek sıŋırgen qairatkerı, belgılı qazaqstandyq pianist, köptegen halyqaralyq baiqaulardyŋ laureaty Ämır Tebenihin oryndady.
Äsiia NŪRBEKQYZY