Qanaty qataiǧan «Jas qanat»
Biyl jiyrma jetınşı märte ötken «Jas qanat-2018» jas oryndauşylardyŋ respublikalyq baiqauyna Astananyŋ atynan üş ümıtker qatyssa, sonyŋ ekeuı märeden ozyp keldı. Elordanyŋ talanttary atalmyş baiqauda top jarmaǧanyna bıraz bolyp qalǧan edı, biylǧy jeŋıs qalanyŋ 20 jyldyq mereitoiyna tamaşa tartu boldy.
Baiqau ädettegıdei Beibıtşılık jäne kelısım saraiynda üş kün boiy dürıldedı. Osy joly bırınşı künnen barlyǧy 12 änşı öner jarysyna kırısıp kettı. Alǧaşqy «Jas qanattyŋ» laureaty, belgılı änşı Medeu Arynbaev aitqandai, jas oryndauşylardyŋ būl dodasy jyldan jylǧa jasaryp kele jatyr. Biyl, negızınen, 16-17 jasar ümıtkerler sahnada önerlerın körsettı. Olarǧa Medeu Arynbaevpen qatar «Jas qanattan» qanattanǧan Baqyt Şadaeva, Nūrlan Abdullin, Marjan Arapbaeva sekıldı tanymal änşıler, «Astana Opera» teatrynyŋ dirijerı Abzal Mūhitdinov, professor Raisa Mūsaqojaeva, «Astana Opera» teatrynyŋ bas hormeisterı Erjan Däuıtov, Kazakh-TV telearnasynyŋ direktory Sanduǧaş Raqymjanova jäne baiqaudyŋ negızın qalauşy, prodiuser Mūrat Erǧaliev baǧa berdı.
Baiqaudyŋ bırınşı künı baiqau ümıtkerlerınıŋ tolqyǧany baiqaldy. Tiıstı ereje boiynşa alǧaşqy künnen-aq eŋ tömengı ball jinaǧan üş oryndauşy konkurstan şyǧyp ketuge tiıs boldy. Mūnda astanalyq Dias Kärımjanov, almatylyq Aian Tasyrov jäne petropavldyq Dämel Ortamyşeva syndy qatysuşylardyŋ baby nemese baǧy kelıspei qalyp, kelesı kezeŋ – jartylai aqtyq synǧa toǧyz oryndauşy şyqty.
Jartylai aqtyq synǧa taǧy tört qatysuşy qalyp qoiyp, aqtyq synǧa jüzden jüirık, myŋnan tūlpar bolyp tanylǧan bes änşı ǧana jıberıldı. Finaldy kelıp, tamaşalaǧan «Jas qanat-1999» baiqauynyŋ jeŋımpazy Mädina Säduaqasovanyŋ aituynşa, eŋ bas bastysy, baiqaudyŋ qazylary ünemı ädıldıkke jügınıp, naǧyz talanttarǧa jülde beredı. «Qazylar alqasynda otyrǧan adamdarda bıreuge büiregın būru degen joq. Būl baiqauda şyn jüirık qana ozady» dedı änşı. Finaldyŋ aldynda «Jas qanat – 2012» jeŋımpazy Dimaş Qūdaibergen qatysuşylarǧa beinejoldau joldap, sättılık tıledı.
Qorytyndysynda Riza Maǧzom (Oral) jäne Symbat Seiılhanova (Almaty) baiqaudyŋ diplomanttary atandy. Üşınşı orynǧa tiesılı «Qola qanatty» Altynai Äbdımomynova (Qaraǧandy) ielendı.
16 jasar Zamira Saǧadieva Kökşetau qalasynda tuǧan. Keiınnen ata-anasy Astanaǧa köştı. Biyl Zamira elordadaǧy №8 orta mekteptıŋ 10 synybyn bıtırdı. Osynyŋ aldynda «Aialaǧan Astana-2014» baiqauynyŋ finalyna şyqqan. «Dauys. Qazaqstan balalary
– 2016» jobasyna qatysty. Şuchinsk qalasynda ötken Roza Baǧlanova atyndaǧy respublikalyq baiqauda bırınşı oryndy ielengen. Al «Jas qanat-2018» baiqauynda Zamira ekınşı oryn üşın berıletın «Kümıs qanatty» jeŋıp aldy.
Zamiradan tek taǧy bır astanalyq Baqtiiar Aqylbek ozdy. Bırınşı oryndy – «Altyn qanatty» ielengen Baqtiiar Oŋtüstık Qazaqstan oblysy Qazyǧūrt audanynyŋ tumasy. Qazır Astanadaǧy Qazaq ūlttyq öner universitetınıŋ «Estrada önerı» (saksofon) fakultetınıŋ studentı jäne «Chikago» vokaldy-aspaptyq tobynyŋ solisı. Byltyr elordada ūiymdastyrylǧan 1-şı respublikalyq universitetaralyq djaz-aspapty baiqauyna qatysyp, bas jüldenı ielendı.
Būǧan qosa, Astananyŋ atynan qatysqan Baqtiiar, Zamira jäne Dias Kärımjanovqa «Astana» radiosy änderdı oryndauǧa rotasiia syilady. Ūlttyq dästürlerdı saqtaǧany üşın Nūrdäulet Quandyqūly (Aqtöbe) «Habar-24» telearnasynyŋ arnaiy jüldesın ielendı. Al Janbolat Talasbaiǧa (Taraz) Astana qalasy Mädeniet jäne sport basqarmasynyŋ jüldesı tapsyryldy.
«Jas qanat-2019» baiqauyna qatysatyn alǧaşqy jas oryndauşylardyŋ esımderı de belgılı boldy. Biyl üşınşı ret ūiymdastyrylǧan «Armanǧa jetkızer bır qadam» atty «baiqau ışındegı baiqauǧa» qatysqan Toǧjan Qali (Astana), Örken Mirov (Qaraǧandy) jäne Aqbota Qūsnadin (Qyzylorda) kelesı baiqauǧa qatysuǧa joldama aldy.