QANDAI MAMAN TAPŞY?
Qalalyq Jūmyspen qamtu ortalyǧy Astanaǧa qandai mamandar kerektıgın jariialady. Elorda būrynǧydai jūmysşy mamandyqtarǧa zäru.
Reiting boiynşa qalamyzǧa kerek eŋ qajettı mamandyqtardyŋ köşın qūrylysşylar bastap tūr. Būl mamandyq ielerıne biyldyŋ özınde türlı qalalyq käsıporyndardan 3 myŋǧa juyq sūranys tüsıptı. Būl sūranys aldaǧy uaqytta da tūraqty bolady degen boljam bar.
Sonymen qatar, qalamyz boiynşa ärtürlı jūmystardy atqaratyn adamdarǧa qajettılık ekı esege az bolsa da, būl käsıp tapşy mamandyqtar reitingınıŋ ekınşı ornynda tūr eken. Jyl basynan berı 1,7 myŋ bos oryn bolǧan. Qajettı maman ielerınıŋ qatarynda üşınşı bolyp medisina qyzmetkerlerı tūr. Jyl basynan berı Jūmyspen qamtu ortalyǧyna abzal jandarǧa jūmys beruşılerden 705 sūranys tüsken. Aq jeleŋdılerge degen sūranys aldaǧy jyldarda da tūraqty türde artyp otyratyn bolady. Būǧan qosa, elordada as üi jūmysşylaryna, menedjerlerge, eden juuşylarǧa, montajdauşylarǧa, jürgızuşıler men aǧaş şeberlerıne de sūranys tūraqty.
Odan bölek, äkımşıler, konditerler, aspazşylar, küzetşıler men tıgınşılerge de bos oryndar jeterlık. Aǧymdaǧy jyldyŋ bırınşı toqsanynda Astana qalasynda jūmyssyzdyq deŋgeiı 4,6 paiyzdy qūraǧan.
Däl qazır «qaiyǧy sudan ötken» talapkerler bolaşaq mamandyqtaryn taŋdau üstınde. Sondyqtan, mındettı türde joǧary bılımdı maman bolu kerek dep jantalaspai, eŋ aldymen, qoǧamǧa qajettı bılıktı maman bolu maŋyzdy ekenın eskeru de qajet sekıldı.
Güljan Rahman