Elordalyq Balalar filarmoniiasy alǧaşqy mausymyn Jolan Dästenovtıŋ «Qaŋbaq şal» operasymen aşty. Astana qalasy memlekettık akademiialyq filarmoniiasy simfoniialyq orkestrınıŋ jäne kameralyq hordyŋ süiemeldeuımen ötken qoiylymǧa klassikalyq vokal bölımınıŋ solisterı men «Artist» qazırgı zamanǧy bi studiiasynyŋ önerpazdary qatysty.
Bärımızge bala kezden tanys keiıpker – Qaŋbaq şaldyŋ partiiasyn Asyljan Kaiypov oryndady. Däudıŋ rölın Baqtiiar Omarov oinady. Tülkını beineleu halyqaralyq baiqaulardyŋ laureaty Aizada Qaponovaǧa būiyrdy. Sondai-aq, köpşılık sahnalarǧa qatysqan Balalar filarmoniiasynyŋ kışkentai ärtısterı öz önerlerın körsettı.
Jalpy, biyl filarmoniiaǧa jas ärtısterdı qabyldau üşın arnaiy ırıkteu jürgızıldı. Sonyŋ qorytyndysynda 7-12 jasar 20 bala qabyldandy. Endı olar osy öner ūjymy qoiatyn miuziklder men operalarǧa qatysady.
– Darynsyz bala joq, muzykalyq aspapqa qyzyǧuşylyq tanytqan kez kelgen jetkınşek öner qūdıretın tüsınedı dep oilaimyn. Jas ärtısterımız Balalar filarmoniiasynyŋ qataryna qabyldanyp, şyǧarmaşylyqqa qadam basty. Kım bıledı, olardy sahnadaǧy ülken jetıstıkterge aparatyn baspaldaq qazır qalanyp jatqan şyǧar, – deidı Astana qalasy memlekettık akademiialyq filarmoniiasynyŋ bas direktory Säken Äbdırahmanov.
Kompozitor Jolan Dästenov «Qaŋbaq şal» operasyn 1979 jyly jazǧan. Atalmyş tuyndy kezınde Almatydaǧy Abai atyndaǧy Opera jäne balet teatrynyŋ sahnasynda qoiylǧanyn aita ketu kerek.
Balalar filarmoniiasynyŋ ūjymy osyndai qoiylymdar arqyly jas ärtıster men kışkentai körermenderdı klassikalyq muzyka älemıne jeteleudı, sondai-aq, märtebelı öner kömegımen balǧyn jandardy ruhani jaǧynan baiytyp, tärbieleudı közdep otyr. Filarmoniia repertuaryna qazaq jäne orys tılderınde oryndalatyn şyǧarmalar enedı. «Qaŋbaq şal» operasynan keiın ūjym Astrid Lindgrennıŋ «Peppi ūzyn şūlyq» tetralogiiasynyŋ negızınde jazylǧan Vladimir Daşkevichtıŋ «Peppi» miuziklın köpşılık nazaryna ūsynbaq.
