Keşe Memleket basşysy Qasym-Jomart Toqaevtyŋ qatysuymen Ūlttyq qoǧamdyq senım keŋesınıŋ ekınşı otyrysy öttı. Prezident öz sözınde keŋes müşelerı memlekettık organ ökılderımen bırlesıp auqymdy jūmys atqarǧanyn, qyzu talqylanyp, pıkırtalas tuǧyzǧan köptegen ūsynystar men bastamalardyŋ eskerılgenın jetkızdı. Keŋestıŋ basty maqsaty elımızdegı ekonomikalyq jäne saiasi mäseleler boiynşa jüielı, ūzaqmerzımdı, tiımdı şaralar äzırleu ekenın aitty.
Memleket basşysynyŋ aituynşa, bügınde balama közqarastan qoryqpau prosesı jürude. Ūlttyq qoǧamdyq senım keŋesınde Prezidenttıŋ «Ärtürlı közqaras – bır ūlt» formulasy tıkelei ıske asyp jatyr.
– Men «Halyq ünıne qūlaq asatyn memleket» tūjyrymdamasyn jariia ettım. Mūny jaqsy bılesızder. Bız öz qyzmetımızde, eŋ aldymen, qarapaiym azamattardyŋ sūranysy men mūŋ-mūqtajyn basşylyqqa aluymyz kerek. Halyqtan joǧary jäne halyqtan biık tūrǧan eşkım de, eşteŋe de joq. Ūlttyq keŋes, bırınşı kezekte, qoǧamdyq dialog pen senım alaŋy retınde qūryldy. Bız osy senımdı aqtauǧa tiıspız. Ärine, azamattardy alaŋdatqan tüitkıldı mäselenıŋ bärın bırneşe aida şeşıp tastau mümkın emes. Degenmen bırqatar mäsele boiynşa alǧa ılgerılep, şūǧyl şeşımder qabyldadyq. Jūmys jüielı türde jürgızılıp keledı. Onyŋ qarqynyn bäseŋdetpeimız. Kökeitestı mäselenıŋ bırı – jer jäne ony tiımdı paidalanuǧa qatysty. Jaqynda Aqmola oblysyna jasaǧan saparymda auyl şaruaşylyǧy maqsatyndaǧy jerdı tiımsız paidalanu jaiyna nazar audardym. Būl baǧytta, menıŋ ūstanymym – bekem: jerdı igere alatyn adam ǧana onyŋ iesı boluǧa laiyq, – dedı Q.Toqaev.
Qasym-Jomart Toqaev äleumettık reformalar turaly aita kelıp, köpbalaly otbasylarǧa berıletın atauly äleumettık kömek mäselesı älı de özektı bolyp otyr dep sanaidy. Ükımettıŋ aldyna aşyq ärı ädıl atauly kömekpen qamtamasyz etu mındetı qoiyldy. Prezident memlekettıŋ tek mūqtaj jandarǧa ǧana järdem beruı tiıs ekenın aitty.
– Köpbalaly otbasylarǧa jaŋa memlekettık järdemaqyny differensialdy, iaǧni ailyq eseptık körsetkıştıŋ 42,5 myŋ teŋgeden 74 myŋ teŋgege deiıngı eselengen ölşemımen beru ūsynylady. Sonymen qatar jaǧdaiy tömen otbasylardyŋ balalaryna kepıldendırılgen äleumettık paket jasaqtalady. Mektep jasyna deiıngı balalar azyq-tülıkpen jäne eŋ qajettı degen qūral-jabdyqtarmen qamtylady. Oquşylar mektepte ystyq tamaqty tegın ışedı, mektepke baryp-qaitu jolaqysy, sondai-aq, mektep formasy men oqu qūraldary tegın bolady, – dep mälımdedı Prezident.
Mümkındıgı şekteulı adamdar da nazardan tys qalmaidy. Jūmys beruşıler olardy jūmysqa qabyldau üşın arnaiy kvota böluı tiıs. Sonymen qatar Qasym-Jomart Toqaev jūmys beruşılerdıŋ mındettı 5 paiyzdyq zeinetaqy jarnasyn töleudı engızu merzımın keiınge şegerdı.
– Jūmys beruşılerdıŋ mındettı 5 paiyzdyq zeinetaqy jarnasyn töleuge qatysty dau-damai basylar emes. Mūny 2020 jyldyŋ 1 qaŋtarynan bastau közdelgen bolatyn, alaida älı künge deiın barşaǧa ortaq ūstanym joq. Sondyqtan jūmys beruşılerdıŋ mındettı zeinetaqy jarnasyn engızu merzımı 2023 jylǧa deiın şegerıldı, – dedı Qasym-Jomart Toqaev.
Memleket basşysy qazaq älıpbiın latyn grafikasyna köşıru ısınde asyǧystyqqa salynbau kerektıgı turaly aitty. Būl jūmysty jan-jaqty saraptap, naqty şeşım şyǧaru qajettıgın atap öttı.
– Ūsynylǧan latyn grafikasyndaǧy älıpbidıŋ üş nūsqasynda da şikılıkter anyqtaldy. Sondyqtan būǧan şynaiy ǧylymi tūrǧydan kelu kerek. Būl jerde mäsele kirillden latynǧa auysuda ǧana tūrǧan joq, qazaq tılınıŋ reformasy, onyŋ jaŋǧyruy kerek, – dedı Memleket basşysy.
Sözınıŋ soŋynda halqymyzdyŋ saiasi ärı qūqyqtyq mädenietınıŋ artqanyn aitqan Prezident mäsele tek saiasatta ǧana emes ekenın, köp närse adamdar arasynda, otbasynda, iaǧni kündelıktı ömırde ūstanatyn qarapaiym qūndylyqtarǧa bailanysty bolatynyn atap öttı.
