AMANAT partiiasynyŋ töraǧasy Erlan Qoşanov Qazaqstan Respublikasynyŋ Konstitusiiasyna özgerıster men tolyqtyrular engızu boiynşa referendum ötkızudı qoldau maqsatynda beinekonferensiia bailanysy arqyly Respublikalyq partiialyq ştabtyŋ kezektı otyrysyn ötkızdı. Otyrysta käsıporyndar ūjymdary men el tūrǧyndary arasynda tüsındıru jūmystarynyŋ barysy talqylandy. Kezdesu barysynda tūrǧyndar tarapynan köterıletın mäseleler talqylandy. Erlan Qoşanov būl mäselege erekşe nazar audardy.
Ügıt nauqany bastalǧannan berı amanattyqtar 5 myŋnan astam ıs-şara ötkızgen. Atap aitqanda, eŋbek ūjymdarymen, bılım beru, densaulyq saqtau, mädeniet, auyl şaruaşylyǧy jäne basqa da sala ökılderımen kezdesuler öttı. Sonyŋ ışınde Mäjılıstegı partiia fraksiiasynyŋ müşelerı öŋırlerdıŋ tūrǧyndarymen bır myŋǧa juyq kezdesu ötkızgen. Jalpy, ügıt-nasihat ıs-şaralaryna 220 myŋnan astam adam qatysypty.
«AMANAT partiiasynyŋ referendum ötkızudı qoldau ügıt nauqany jalǧasyp jatyr. Qarqyndy tömendetpeu kerek. Ötkızıletın kezdesulerdıŋ sanyna ǧana emes, bırınşı kezekte sapasyna da nazar audarǧan jön. Bız konstitusiialyq özgerısterdıŋ mänın tüsınıktı, qarapaiym tılmen jetkızuımız qajet. Adamdardy uchaskelerge kelıp, öz dauysyn beruge yntalandyruymyz kerek» dedı partiia töraǧasy.
Erlan Qoşanov qazırgı uaqytta 5 mausymda ötetın referendumda azamattardy dauys beruge şaqyru üşın barlyq resursty jūmyldyru öte maŋyzdy ekenıne toqtaldy. Ol jiyn soŋynda ügıt-nasihat jūmystaryn jandandyruǧa qatysty bırqatar naqty tapsyrmalar berdı.
