Astana qalasyndaǧy «Belsendı ūzaq ömır süru ortalyǧy» mekemesınde ardagerler men zeinetkerlerdıŋ äleumettık jaǧdaiyn jaqsartu mäselesı talqylandy.
Kezdesuge Astana qalasy äkımınıŋ orynbasary Eset Baiken, Jūmyspen qamtu jäne halyqty äleumettık qorǧau basqarmasynyŋ basşysy İlia Skub jäne qalalyq Ardagerler keŋesınıŋ töraǧasy Sansyzbai Esılov qatysyp, zeinetkerlerdıŋ sūraqtaryna jauap berdı.
Kezdesu barysynda astanalyq ardagerlerge arnalǧan ıs-şaralar men äkımdık tarapynan körsetıletın qyzmetter turaly aityldy.
– Jüielı negızde ardagerlerdıŋ qatysuymen türlı mädeni-sporttyq jäne äleumettık ıs-şaralar ötkızıledı. Jastardy äskeri-patriottyq tärbieleuge baǧyttalǧan jobalarǧa ardagerler belsendılık tanytuda. Sonymen qatar, ardagerler keŋesımen bırlesıp merekelık jäne atauly künderge qaiyrymdylyq aksiialary ötkızıledı. Äleumettık qoldau aiasynda elordada zeinetkerler üşın qoǧamdyq kölıkte tegın jol jüru qarastyrylǧan. 3 myŋnan astam ardager men zeinetker sanatorii-kurorttyq emdeluge jıberılıp, 110 myŋnan astam adam bırjolǧy tölem aldy, – dedı Eset Baiken.
