Elordada Qarttar künıne orai Baiqoŋyr audanynda zeinetkerlerge bos uaqytyn tiımdı ötkızuge arnalǧan «Baiqoŋyr» jäne «Bereke» atty ekı äleumettık ortalyq aşyldy.
Būl ekı klub qaladaǧy Puşkin köşesı men Chehov köşesınde ornalasqan. Ortalyqtyŋ aşyluyna audan basşysy Erlan Qanalimov pen qalalyq Ardagerler keŋesınıŋ töraǧasy Sansyzbai Esılov qatysyp, jinalǧan zeinetkerlerdı töl merekesımen qūttyqtap, igı tılekterın bıldırdı. Ortalyqtyŋ bölmelerı qajettı jihazdarmen, qūral-jabdyqtarmen jaraqtalǧan. «Endı osy jerge jasy egde tartqan kısıler kelıp, gazet-jurnal oqidy. Şahmat jäne taǧy basqa sporttyq oiyndar oinaidy. Tıptı jai ǧana bır-bırımen tanysyp, şai ışıp, äŋgıme-düken qūrady. Sondyqtan osy ortalyqty aşuǧa mūryndyq bolǧan azamattarǧa alǧysymdy aitamyn» dedı audandyq Ardagerler keŋesı töraǧasynyŋ orynbasary Alma Altybaeva.
Retı kelgende aityp öteiık, būl ekı klub audandaǧy zeinetkerlerge arnalǧan alǧaşqy ortalyq emes. Būǧan deiın osyndai tört ortalyq aşyldy. Endı jyl soŋyna deiın taǧy da ekı şaǧyn ortalyq aşu közdelıp otyr.
