1 qazan – Qarttar künı. Bügıngı taŋda Nūr-Sūltan qalasynda 80 myŋnan asa zeinetker tūryp jatyr. Olardyŋ ışınde Ūly Otan soǧysynyŋ 57 maidangerı, sonymen qatar mümkındıgı şekteulı 25 myŋ qariia bar.
Nūr-Sūltan qalasynyŋ qarttaryna bır kün emes, bır ai boiy qūrmet körsetıledı.
1 qazan künı «Astana» konsert zalynda ardagerler şyǧarmaşylyq ūjymdarynyŋ qatysuymen merekelık konsert ötedı. Sondai-aq fotokörme, fleşmob, ekskursiia ūiymdastyrylady. «Şarapat» äleumettık qyzmet körsetu ortalyǧynda «Qarttarym – asyl qazynam» atty konsert ötedı. 3 qazanda TJD qyzmetkerlerı men horeografiia akademiiasynyŋ mamandary «Şarapat şaqyrady» atty merekelık konsertın ūsynady. 8 qazanda «Qazaqkonsert» ūjymy «Sızderge myŋ taǧzym» konserttık baǧdarlamasyn qoiady. 1-3 qazan aralyǧynda elordalyq qarttar üşın Ūlttyq muzei men Tūŋǧyş Prezident muzeiıne, 7-9 qazan aralyǧynda qalanyŋ körıktı jerlerıne ekskursiia ūiymdastyrylady. 15-17 qazan aralyǧynda Q.Quanyşbaev atyndaǧy akademiialyq qazaq muzykalyq drama teatry men M.Gorkii atyndaǧy orys drama teatrynyŋ spektaklderın tamaşalaidy. Sondai-aq 23 qazanda qariialarǧa kinokörsetılım ūiymdastyrylady.
Mereke aiasynda elordanyŋ dämhanalary men meiramhanalarynda Ūly Otan soǧysynyŋ ardagerlerı men tyl ardagerlerınıŋ qatysuymen bırqatar şaralar ötkızıledı. Qalanyŋ barlyq mektepke deiıngı ūiymdary, mektepterı, kolledjderı men JOO-daǧy oquşylar, studentter men ūjymdar pedagogikalyq eŋbek ardagerlerımen, al medisinalyq ūiymdarda densaulyq saqtau salasynyŋ ardagerlerımen kezdesu ötkızıledı.
