QARULY KÜŞTERIMIZ – BERIK QALQAN
Qazaqstan Respublikasynyŋ Prezidentı Nūrsūltan Nazarbaevtyŋ «Qazaqstan Respublika synyŋ Memlekettık qorǧanys komitetın Qazaqstan Respublikasynyŋ Qorǧanys ministrlıgı etıp qaita qūru turaly» 1992 jyldyŋ 7 mamyrdaǧy №738 Jarlyǧynyŋ negızınde Qazaqstan Respublikasynyŋ Qorǧanys ministrlıgı bolyp qaita qūryldy.
Bauyrjan LEKEROV,
Astana qalasy Qorǧanys ısterı jönındegı departamentınıŋ bastyǧy, polkovnik
Qazaqstandyq armiia qūru barysynda barlyq äskeri qūrylymdardy vzvodtan diviziiaǧa deiın ofiser kadrlarynyŋ jetıspeuşılıgı ötkır mäsele boldy.El Prezidentınıŋ Jarlyqtarymen jäne ökımderımen Qorǧanys ministrlıgınıŋ basşylyq qūramy belgılendı. Tūŋǧyş ministr bolyp KSRO Qaruly Küşterınıŋ sapynda Ūly Otan soǧysyn bastan keşken, Keŋes Odaǧynyŋ Batyry atanǧan tanymal komandir ärı joǧary basşylyq qūramynda bolǧan qolbasşy Saǧadat Nūrmaǧambetov taǧaiyndaldy. Köptegen ofiserler naǧyz patriot retınde Otan ünıne qūlaq türıp, ūlttyq armiianyŋ qataryn tolyqtyrdy.Otanyna qyzmet etuge äzır ekendıkterın ıs jüzınde däleldep, tuǧan elge bet tüzedı.
1992 jyldyŋ 22 jeltoqsanynda Qazaqstan Respublikasy qorǧanysyn ūiymdastyratyn negızdemenı belgıleitın, memlekettık bilık pen basqaruşy organdarǧa ökılettık beretın «Qazaqstan Respublikasynyŋ qorǧanysy jäne Qaruly Küşterı turaly» Qazaqstan Respublikasynyŋ zaŋy qabyldandy. Qazaqstan Respublikasy Qaruly Küşterı äskeri qyzmetşılerınıŋ äskeri antynyŋ mätını jasalyp, Prezidenttıŋ 1992 jylǧy 25 tamyzdaǧy Jarlyǧymen ıske asyryldy.Osy kezderden äskeri komissariat ökılderıne qoiylatyn talap pen tapsyrmalar ūlǧaia bastady.Äskeri komissariat azamattardy Qaruly Küşter qataryna şaqyru, sarbaz, serjant pen zapastaǧy ofiserlerdı jäne äskeri tehnikalardy esepke qoiumen qatar, bırqatar äleumettık saladaǧy ısterge de etene aralasty.
2004 jylǧy 10 mamyrdan Qazaqstan Respublikasy Qorǧanys ministrınıŋ nūsqauymen Astana qalasy Qorǧanys ısterı jönındegı departament bolyp atalyp, jaŋa ştat bekıtıldı.
Jyl saiyn Departament tarapynan 30-dan asa äskeri-patriottyq baǧyttaǧy ıs-şaralar atqarylady. Astana qalasynyŋ Bılım basqarmasymen bırlese köptegen äskeri-patriottyq jäne sporttyq klubtar qūryluda. Bügıngı taŋda olardyŋ sany 60-qa jetedı.
Aldaǧy uaqytta da Departamenttıŋ aldynda qorǧanys ıster sipatynda qyruar şarualar kütıp tūr. Äkımşılık-aimaqtyq aumaǧynda jergılıktı atqaruşy organdarmen bırlesken jūmyldyru jäne jūmyldyrudy örıstetu ıs-şaralary atqaryluda. Osydan äskeri esepke alu, kölıktık tehnikalardy esepke qoiu, azamattardy äskeri qyzmetke şaqyru jäne kelısımşart boiynşa şaqyryluǧa ümıtkerlerdı Qaruly Küşter men basqa da äskeri qūralymdar qataryna äskeri qyzmetke ırıkteu, sonymen qatar jastardy äskeri-patriottyq sanada tärbieleu siiaqty maŋyzdy tapsyrmalary boi köterdı.
QR Qorǧanys ministrı, general-polkovnik S.Jasūzaqov atap ötkendei, Qazaqstan Respublikasynyŋ jaŋa tarihynyŋ 25 jyly ışınde Elbasy – Qaruly Küşterdıŋ Joǧarǧy Bas Qolbasşysynyŋ tıkelei qoldau körsetuınıŋ arqasynda bügınde Qazaqstannyŋ jauyngerlık qabılettı äskerı bar.Qazırgı taŋda äskerge şaqyryluşylar qatarynyŋ arta tüsuı Qaruly Küşterdegı komandirler men basşylardyŋ käsıbi deŋgeiınıŋ artuy, äleumettık jaǧdailardyŋ jaqsaruy men jas jetkınşekter arasyndaǧy äskeri-patriottyq ıs-şaralardyŋ öz deŋgeiınde jürgızılıp jatqandyǧynan dep bılemın.
Zamannyŋ talabyna säikes, erteŋgı künımızdı oilau maqsatynda belgılengen jauyngerlık daiarlyqtyŋ baǧyttary boiynşa barlyq äskeri salada zamanaui soǧys pen qaruly şielenısterdıŋ sipatyna säikes äskeri bölımder men qūramalardyŋ jauyngerlık jäne jūmyldyru äzırlıgın arttyru boiynşa jūmystar jıgerlı jalǧasuda.Biylǧy 2017 oqu jyly «Qaruly Küşterdıŋ 25 jyldyǧyna – joǧary jauyngerlık äzırlık!» ūranymen ötıp jatqandyǧyn atap ötkım keledı. Barşa otandastarymdy aibyndy äskerımızdıŋ mereilı merekesımen qūttyqtaimyn!