Memleket basşysy Qasym-Jomart Toqaev qaiyrymdylyq, volonterlık ūiymdardyŋ jäne biznes-sektordyŋ ökılderımen onlain formatta kezdesu ötkızdı. Prezident öz sözınde qaiyrymdylyq pen volonterlıktıŋ pandemiia kezınde jalpyūlttyq sipat alǧanyn atap ötıp, onyŋ äleumettık normaǧa ainalǧanyn jäne halyqtyŋ dūrys qabyldaǧanyn aitty. Qasym-Jomart Toqaev osyndai qiyn-qystau kezde syrt qalmai, otandastaryna kömek qolyn sozǧan, meiırımdılık, ızgılık tanytqan är azamatqa rizaşylyq bıldırdı.
«Asar degen ata dästürımızdı saqtap kele jatqanymyz quantady. Pandemiia kezınde de erıktıler aianbai eŋbek etıp, eren erlıktıŋ ülgısın körsettı. Olar kündız-tünı därıgerlermen jäne tärtıp saqşylarymen bırlesıp, ındetpen kürestı. Qaiyrymdy jandar ortaq ıske jan-jaqty qoldau bıldırdı. Elbasynyŋ bastamasymen qūrylǧan «Bız bırgemız» qorynyŋ jūmysyn erekşe atap ötkım keledı. Būl igı bastamaǧa myŋnan astam azamat qarjylai üles qosty. Bız osyndai ūiymşyldyqtyŋ jäne jauapkerşılıktıŋ arqasynda ahualdy tūraqtandyra aldyq. Mūnyŋ bärı – eldıktıŋ jäne bereke-bırlıktıŋ jarqyn körınısı» dedı Prezident.
Qasym-Jomart Toqaev volonterlık qyzmettı damytu, qaiyrymdylyq pen mesenattyqqa qoldau körsetu memleketımızdıŋ ūzaq merzımdı basymdyǧy dep sanaidy. Volonterlık ıspen ainalysu – patriotizmnıŋ jarqyn körınısterınıŋ bırı. Memleket basşysy jariialaǧan Volonter jyly azamattarymyzdyŋ köpşılıgın qaiyrymdy ıs töŋıregıne toptastyrdy. Qazaqstandyqtardyŋ ūsynysy boiynşa jasalǧan köptegen qaiyrymdylyq jäne volonterlık jobalar – sonyŋ dälelı.
Prezidenttıŋ tapsyrmasy boiynşa tüsınıktı ärı tiımdı qūqyqtyq mehanizmderdı qamtityn Qaiyrymdylyq turaly zaŋ äzırlenude. Bügınde qaiyrymdylyq jobalarǧa baǧyttalǧan ırı biznes tabysyn 3 paiyz, şaǧyn jäne orta biznes tabysyn 4 paiyz kölemde salyqtan bosatu zaŋnamalyq tūrǧyda qarastyrylǧan. Bıraq şaǧyn jäne orta biznes būl jeŋıldıkterdı paidalanbai otyr. Qasym-Jomart Toqaev atalǧan jaǧdaiǧa taldau jasap, osy baǧytta tiıstı jūmys jürgızuge tapsyrma berdı.
